Shën Valentini, Hollanda gati për panairin më të madh të luleve

Nga OraNews Përditësimi i fundit 11 Shkurt 2015, 10:15

Shën Valentin, dashuri dhe shumë lule. 14 shkurti sjell panairin më të madh të luleve në qendrën më të madhe të shpërndarjes së tyre  FloraHolland, i cili mbahet në vendin e tulipanëve, në Hollandë.Hapësira e këtij ankandi të madh është afërsisht sa sipërfaqja e Monakos, ndërkohë që punëtorët po vendosin dhe dekorojnë stendat e tyre me miliona lule. Trëndafilat e kuq, simboli tradicional i ditës së Shën Valentinit, këtë vit përballen me konkurrencën e fortë të tulipanëve, simbol jo i dashurisë, por i Hollandës.Zëdhënësi i FloraHolland, Lex van Horssen, thotë se gjithsesi mbrëtëresha e Shën Valentinit është trëndafili i kuq, por sipas tij edhe tulipani është bërë shumë popullor."Për Shën Valentin, natyrisht që secili mendon për një trëndafil të kuq, dhe kjo është mbretëresha e luleve gjatë gjithë vitit, por sidomos për ditën e të dashuruarve. Gjithsesi këto ditë ne kemi në shitje lloje të ndryshme lulesh, por natyrisht kemi shumë tulipanë, simbolin e hollandezëve i cili është bërë mjaft popullor edhe në vende të tjera përveç Hollandës”.“Për të krahasuar tulipanin me trëndafilin e kuq, gjatë këtyre ditëve shiten rreth 100 milionë copë trendafila të kuq dhe afërsisht 100 milionë tulipanë. Pra diferenca është tejet e vogël, po të kemi parasysh se tulipanët e shitur janë më së shumti në ngjyrë të kuqe,” thotë ai.FloraHolland nuk është pronare e luleve në dyqane, por thjesht menaxhon shpërndarjene tyre mes shitësve dhe blerësve. Lulet vijnë kryesisht nga Kenia, Etiopia dhe Izraeli, ndërsa Gjermania, Britania e Madhe, Franca, Italia dhe Rusia janë blerësit më të mëdhenj.Vendimi i Rusisë  për të ndaluar importin e frutave dhe perimeve nga Evropa, në përgjigje të sanksioneve perëndimore nuk ka ndikuar drejtpërdrejt në shitje, pasi masa nuk përfshin lulet apo bimët e ndryshme.Pavarësisht gjendjes ekonomike, Rusia ka bërë blerjen më të madhe të luleve krahasuar me vitet e kaluara."Pasojat më të mëdha i kanë kultivuesit e perimeve dhe frutave, sepse ato janë të ndaluara. Lulet dhe bimët nuk janë të përfshira,  por ka një efekt, sepse vlera e rublës ka rënë  në krahasim me euron, kështu që për konsumatorët rusë lulet janë më të shtrenjta se zakonisht,” thotë  van Horssen.FloraHolland, e cila ka një qarkullim vjetor prej 4.5 miliardë euro dhe më shumë se 3.500  punëtorë shet më shumë se 12 miliardë lule dhe bimë çdo vit.