Qëndrimi pas protestës, Selami: Rama u tregua kryeministër i padenjë

Nga OraNews Përditësimi i fundit 23 Nëntor 2014, 22:20

Qëndrimi i Edi Ramës pas protestës masive para kryeministrisë duket se nuk ishte aspak ajo që priste opozita. Deputeti demokrat Eduard Selami i vlerësoi rreshtat e shkruara nga kryeministri Rama në Facebook si fjalë të pa denja të një kryeministri, të një vendi anëtar të NATO-s apo një vendi aspirant për në BE.“Këto fjalë unë i kam dëgjuar nga përfaqësues të diktaturës në ’90. Këto janë përtej turpërueses për një kryeministër anëtar të NATO-s dhe që dëshiron të shkojë në BE. Nuk është ky reflektimi. Në çdo vend bashkëkohor, perëndimor, kryeministri në raste të tilla del jep shpjegimet e tij, kërkon ndjesë dhe i jep mundësise për të ndrequr këto gjëra. Sesi ka mundësi të mendosh se ke sukses kur ke mijëra njerëz në shesh.”Zgjedhjen e Ramës për të hapur bunkerin e diktatorit në ditën kur mijëra qytetarë protestonin para zyrave të tij në kryeministri, Selami e cilëson vlerësimin direkt për Enver Hoxhën.“Qëndrimi i rikthimit dhe i rivlerësimit indirekt që iu bë, për mua ka qenë një zhgënjim i madh. Këtu kam parasysh Gjermaninë, shikoni qëndrimin ndaj Hitlerit. Këtu kam parasysh edhe Stalinin. Nuk e njeh njeri Stalinin si komandant dhe çlirimtar, e njohin si diktator, shkatërroi vlerat dhe jetën e million rusëve.”Po ajo që është më shqetësuese për Selamin është vetë tendenca diktatoriale e shfaqur nga Rama, në një kohë kur ai ka vetëm rolin e kryeministrit.“Ai mund të dalë dhe të hiqet modern dhe si antikomunist, por në mentalitetin fatkeqësisht kryeministri ynë nuk është shumë larg. Raporti që ka kryeministri me ligjin që e quan gati gati si një rekomandim për mua është shqetësuese dhe është shenja më tipike kur i kam thënë se ka një përqasje diktatoriale dhe ka tendenca policore. Po ta shikojmë me kujdes kushtetutën ai është vetëm kryeministër i vendit.”Në një analizë të përgjithshme për punën e qeverisë Eduart Selami tha se Rama po bën vetëm shtet policor të panevojshëm.Intervista e plotë me Eduard Selamin në Ora NewsMijëra qytetarë ju bashkuan protestës në sheshin Skënderbej. A e prisnit një pjesëmarrje në të tilla nivele?Unë po, sepse pjesëmarrja e lartë ishte një tregues i lidhur drejtpërdrejt me shkallën e zhgënjimit të keqqeverisjes që është bërë në këtë një vit e gjysmë pothuajse. Është hera e parë në 25 vjet të demokracisë në Shqipëri që një kryeministër dhe një qeveri ka një bilanc kaq negative në raport me premtimet e bëra. 300 mijë vende pune, ka rritje të papunësisë; ulje të taksave u premtua, ka rritje të taksave; mosrritje të energjisë elektrike, ka rritje të energjisë elektrike; më shumë avantazhe për studentët, ka rritje të tarifës të tyre dhe lista është e gjatë. Mbështetje për fermerët, ndërkohë ata janë të braktisur dhe vazhdon kjo pothuajse në të gjithë treguesit që për mendimin tim jo vetëm që nuk u habita, por jam i sigurtë që me mendje dhe zemër ka shumë që janë të zhgënjyer nga kjo qeveri që fizikisht do të donin të ishin aty, por nuk ishin.Unë në këtë tur me zotin Basha takova edhe zonjën Engjëllushe Bumçi dhe unë vendosa të jem një nga përfaqësuesit e drejtëpërdrejtë, është një pensioniste ka ardhur me paratë e saj, ka ardhur me autobus, ka ardhur për shkak të rëndësisë që kishte kjo protestë paqësore për të, sepse djali i saj është përjashtuar nga puna, duke qenë një historian sepse ka mbrojtur Ahmet Zogun. Po, më dëgjuat qartë ka mbrojtur Ahmet Zogun dhe është përjashtuar nga puna. Kjo të kujton ditët e errëta të kësaj gjëje dhe me dhjetëra e dhjetëra probleme të kësaj natyre që ne i kemi parë. Kështu që unë nuk jam aspak i befasuar.Zoti Selami gjatë ditëve që ju keni organizuar këtë protestë është këmbëngulur fort nga PD se kjo nuk është një portestë politike, nuk zynohet rrëzimi i qeverisë, është një protestë ekonomike që mbron interesat, shqetësimet dhe problemet e qytetarëve. Kur ajo udhëhiqet nga PD mund të konsiderohet si jo politike?Po, ke të drejtë dallimet nuk janë të qarta, por ne në mënyrë të vetëdishme vendosëm problemet dhe qytetarin në radhë të parë, dhe siç e thashë unë isha një nga përfaqësuesit në këtë protestë. Sepse për ne nuk është qëllimi vetëm ardhja në pushtet, qëllimi jonë është mirëqeverisja, përmirësimi i qeverisjes. Ne nuk i trembemi pushtetit, kur të vijë koha ne jemi gati dhe kemi alternativën tonë, por ne ndërkohë nuk presim që në 4 vjet të shikojmë si dështon, por japim alternativat tona, kështu që në këtë aspekt ne e bëmë të qartë dhe i qëndrojmë kësaj gjëje, por kjo nuk do të thotë se ne nuk jemi gati për të dhënë alternativën më të mirë.Ju kanë akuzuar, opozitën, nga mazhoranca se po i del në krah qytetarëve të cilët nuk duan që të respektojnë ligjin. Realisht për çfarë jeni në krah të qytetarëve zoti Selami?Ky është një spekullim i pastër, ne nuk jemi të mbrojmë paligjshmërinë, përkundrazi qeveria ka pasur dhe do të ketë gjithmonë mbështetjen tonë për zbatimin e ligjit. Ne jemi partia e shtetit ligjor, ne jemi partia e qendrës së djathtë. Në të gjitha vendet ku ne duam të shkojmë, në vendet demokratike europiane nëse ka një dallim mes partive të qendrës së djathtë është që ato janë me të “ashpra” për ligjin, por ajo çka ne jemi kundër, jemi kundër thyerjes së ligjit dhe nëpërkëmbjes së interesit të qytetarit dhe të të drejtave të qytetarit. Ne nuk jemi që të mos paguhet energjia elektrike. Po të jep edhe një rast tjetër konkret: Kur një nënë me dy vajza të vogla ishte gati që të thoshte që unë jam pa punë, burri im është pa punë, tani unë nuk kam dritë në shtëpi dhe vajzat nuk shkojnë dot në shkollë…Si mund ta bëjë këtë punë? Më thoni si duhet ta bëjë, sa ditë burg duhet të bëj që të më vinë dritet në shtëpi?Kjo nuk është mbrojtje e paligjshmërisë. Ti duhet të ndash në fillim se kush janë ato shtresa që nuk kanë mundësi ekonomike. Si mundesh ti pa asnjë të ardhur të paguash një faturë që mund të shkojë në 20 mijë lekë, është e pamundur. T’ju shkosh me polic në mes të natës, t’ju fikësh dritet se nuk ka paguar faturën, unë nuk mendoj që kjo është mbrojtje e paligjshmërisë.Ju marr një rast tjetër, me prishjet pa leje. Kanë qenë me leje, janë në provën e tyre ju ka shkuar fadroma pa ju cuar as lajmërim dhe ja ka prishur godinën. Prona private është e shenjtë. Këto nuk janë mbrojtje të paligjshmërisë, përkundrazi këto janë shqetësime serioze dhe ne kemi dale dhe gjithmonë do të na ketë në krah për shkelje dhe abuzimin me ligjin. Këto janë raste konkrete dhe janë me mijëra veta. 53 mijë vetë janë prekur nga kjo gjë, unë nuk po them se të gjithë këta janë të rregullt, ka parregullësi, dhe ka mbështetjen tonë, por jo në këtë mënyrë duke abuzuar me ligjin.Mendoni se dje në shesh u dëgjua zeri i qytetarëve?Për ata që donin po, ishte i qartë, ishte i lartë në pjesëmarrje, në mesazhe paqësore për të përmirësuar qeverisjen për të ngritur problemet që ata kanë. Por nuk mu duk kështu nga reagimi që pati kryeministri.Zoti Selami si mendoni ju se duhet të kishte vepruar qeveria në mënyrë që të vinte në vend zbatimin e ligjit, çfarë qasje duhet të kishte pasur ekzekutivi shqiptar? Besoj se edhe ju jeni dakord se nuk mund të tolerohet dhe të mos ndëshkohet një person që zgjedh që mos paguajë energjinë elektrike, të ndërtojë në mënyrë të parregullt…E thashë dhe pak më parpara, nuk bëhet fjalë për këtë, ka absolutisht mbështetjen tonë qeveria, por…Duhen të kishte marrë masa më të lehta ndoshta?Ta drejtojë këtë në mënyrë ligjore dhe humane dhe sociale. Si mund t’i presësh dritat një familje që nuk ka asnjeri në punë? Si mund t’i presësh dritat një personi që nuk ka mundësi fizike për t’i paguar? Si mund të shkosh dhe t’ja prishësh pronën pa e lajmëruar, pa i dhënë afat. Një njeriu që ka ndërtuar në pronën e tij pa shkelur ndonjë ligj të madh dhe pa i dhënë një farë afati.Ky është një problem i madh social. Ndërhyrjet në këtë mënyrë janë për të krijuar një psikozë frike dhe pasigurie sesa për të zgjidhur problemin. Ne këtu jetojmë, ne i dimë, ne i shikojmë. Marr dhe një rast tjetër: A ka qenë 12 vjet kryetar bashkie kryeministri i sotëm?! Pjesa më e madhe e ndërtimeve pa leje nuk janë bërë në kohën e tij? Atëhere pse janë lejuar këto? Duhet zbatuar ligji, duhet gjetur mënyra më e mirë që ky ligj të zbatohet pa prekur dhe cënuar të drejtat e individit.Zoti Selami, vetëm një ditë më parë në emër të opozitës shqiptare ju i jeni përgjigjur reagimit të kryeministrit pas protestës të opozitës ku e konsideroni qëndrimin e tij si turpërues dhe shtoni se ai e humbi shancin për të reflektuar. A i qëndroni ende atij reagimi?Po i qëndroj, dhe e kam këtu dhe po e lexoj se pse e kam quajtur turpërues. Pak momente pas demostratës paqësore me mesazhe të qarta qytetare, Rama në Twitter shkruan: “Asgje e askush sdo na ndale ne nxjerrjen e Shqiperise nga llumi i genjeshtrave,shpifjeve,iluzioneve, hajduterise dhe maskarallekut politik!” këto janë fjalët e kryeministrit, këto fjalë unë i kam dëgjuar nga përfaqësues të diktaturës në ’90. Këto janë përtej turpërueses për një kryeministër anëtar të NATO-s dhe që dëshiron të shkojë në BE. Nuk është ky reflektimi.Në çdo vend bashkëkohor, perëndimor, kryeministri në raste të tilla del jep shpjegimet e tij, kërkon ndjesë dhe i jep mundësise për të ndrequr këto gjëra. Sesi ka mundësi të mendosh se ke sukses kur ke mijëra njerëz në shesh, kur ke rritje të papunësisë, kur ke përkeqësim të ekonomisë. Edhe shoferi i taksisë që përdora sot, Lenardi e pyeta si është gjendja. 30% më pak merr të ardhura. Po kështu kudo që shkon, në restorant, në biznese të vogla.Duke udhëtuar me zotin Basha, në mënyrë fare të rastësishme në Elbasan takuam pronarin e një punishteje druri, ishte vetëm pronari në dyqan, rreth 300 metra katror, 8 punëtorë kishte më parpara nuk kishte asnjë tani pa asnjë porosi. Këta janë njerëz konkretë, këto janë raste konkrete, këta janë njerëzit që protestuan. Ti duhet të shikosh se ka dicka që nuk po të shkon si kryeministër, po të jep një shanc për ta përmirësuar nuk mund të shkosh me kokëfortsi në këtë mënyrë. Më befason fakti që u soll në këtë mënyrë, më befason edhe më shumë fakti që në mënyrë simbolike ishte nga një bunker i Enverit kushdo që e ka këshilluar ishte këshilla më e keqe që e ka marrë dhe ka lënë përshtypje më negative.Pse e thoni këtë, mendoni se ishte një lëvizje jo e duhur ajo e qëndrimit në bunkerin e ngritur nga Enver Hoxha?Lehtësisht, sepse qytetarët me zë të lartë po të thonë me mijëra përpara zyrës tënde që qeverisja jote ka prekur dhe ka dështuar në këto dhe ti mbyllesh në bunker që mos dëgjosh qytetarët dhe pastaj reagon me këto epitete njëir më fyes se tjetri, që është turp ëpr cdo kryeministër tja drejtojë qytetarëve të tij. për mua është e qartë.A mendoni se pas reagimeve të ardhura, vecanërisht nga faktori ndërkombëtar,e kam fjalën këtu edhe për ambasadorin amerikan Aleksandër Arvizu, shumica parlamentare po ndryshon qëndrimin e saj ndaj figurës së Enver Hoxhës?Për mua kjo ka qenë një nga surprizat më të pakëndshme kur kam parë fotot e diktatorit në sfond dhe ka qenë po kryeministri Rama që e ka vendosur në Tëitter, vitin e kaluar, ashtu si padashje. Ka qenë sepse përveç asaj, ngarkesës emocionale tejet negative që brezi jonë ka vuajtur më shumë është dhe mesazhi që i përcillet shoqërisë. Ka qenë një regjim i urryer, shumë njerëz edhe e kanë përkrahur nga frika, e kanë përkrahur edhe nga padija. Nuk është ky problemi, koha provoi që ishte një i kapërcyer, prandaj qëndrimi i rikthimit dhe i rivlerësimit indirect që iu bë për mua ka qenë një zhgënjim.Qëndrimi i ambasadorit Arvizu për mua është për t’u përshëndetur, është farë e qartë sepse mbart në vetëvete eksperiencën më pozitive që kanë vendet e përparuara që kanë kaluar përmes eksperiencës së ngjashme. Këtu kam parasysh Gjermaninë, shikoni qëndrimin ndaj Hitlerit, këtu kam parasysh edhe Stalinin. Nganjëherë bej debate edhe me njerëz, ka qenë komandant i luftës, po më shumë se Stalini nuk ka kontribuar, nuk e njeh njeri Stalinin si komandant dhe çlirimtar, e njohin si diktator, shkatërroi vlerat dhe jetën e million rusëve. Kështu që në këtë aspekt nuk ka një qëndrim. Në mentalitet është e njëjta përqasje, përmbi ligjin qytetari shkelet, nuk dëgjohet zeri, kur i del kundër epitetohet me fjalët: Dhunë, gënjeshtar, maskarallik, shpifje…kjo ka qenë gjuha. Ai mund të dalë dhe të hiqet si modern dhe si antikomunist, por në mentalitetin fatkeqësisht kryeministri ynë nuk është shumë larg.Mbetemi tek kryeministri dhe tek qeveria e tij. Ai akuzohet shpesh nga opozita se nuk po bën një shtet ligjor, por terror policor. Mbi çbaze e mbështetni këtë akuzë?Për këto që thashë..do dhe të tjera?! Projektraporti, lexoje. Shkelje të vazhdueshme të kushtetutës. Ky po bën sulm ndaj institucioneve të pavarura, këto janë shenja serioze. Mënyra e përdorimit të policisë për gjëra të panevojshme, bastisje, fikje totale. Bile në këtë lagje kishte njerëz që mua më bënë përshtypje dhe ju afrova dhe bizedova me ta.-Po mirë me ne çpatën, se ne kemi paguar dritat? Pra ishte një lagje e tërë në Elbasan që i kishin prerë dritat, edhe nga ata që kishin paguar faturat. Këto janë dënime kolektive. Dënimet kolektive janë turpëruese për çdo lloj regjimi, jo më, nuk kanë vend në një shoqëri demokratike. Unë mendoj se pot ë gjej një mënyrë të karakterizuar, raporti që ka kryeministri me ligjin, që e quan si një rekomandim, për mua është shqetësuese dhe është shenja më tipike kur i kam thënë se ka një përqasje diktatoriale dhe ka tendenca policore.Ditën e djeshme në protestë u deklaruar se ajo ishte e para e një serie të tillash. A ka gati PD një hartë portestash dhe ato do të shtrihen në të gjithë Shqipërinë, apo do të kulmojnë vetëm në kryeqytet?E tha dhe kryetari Basha, ne jemi gati, ky është vetëm fillimi. Ne do të jemi aty ku është qytetari, ne do të ngreme shqetësimet qytetare, ne do t’i japim shanc qeverisë dhe kryeministrit të përmirësohet. Nëse nuk mundet të largohet. Shqipëria ka humbur shumë kohë, ne nuk mund të presim kryeministrin të thotë ma sillni faturën pas 4 vjetëve. Është fillim shumë i keq, po japim një shanc, qytetarët janë të shqetësuar, ne jemi të shqetësuar, shteti ligjor po bën hapa prapa, ekonomia është në gjendje shumë kritike. Ose duhet të drejtojë ose duhet të largohet.Nuk ka bërë aspak në këtë vit, që thoni zoti Selami se nuk mund të presim 4 vjet, pra se deri tani nuk le asnjë shteg që mund të përmbushë ndonjë prej premtimeve të saj qeveria?Bilanci është negative dhe dita e mirë duket që në fillim, shancet i ka në mundësi po i japim, por këto reagime që po diskutojmë, kjo mënyrë e cila po ndjek për mua nuk është premtuese.A ka në horizontin të Partisë Demokratike të rikthimit në Kuvend? Opozita poi mungon prej një kohe të gjatë parlamentit, debatit parlamentar, zeri i saj dhe zeri i qytetarëve që përfaqësohen prej deputetëve të PD nuk po dëgjohet prej muajsh…Po e kam thënë edhe këtu, dhe askënd nuk dëmton më shumë se ne, dhe askush nuk e ndjen mungesën më shumë sesa ne në parlament. Por fatkeqësisht në parlament edhe me iniciativën dhe shtysën e kryeministrit u fut dhuna. Ne i kemi bërë shumë të qarta kushtet tona. Në fillim u anashkaluan sikur nuk dihej se për cfarë kushtesh bëhej fjalë, tani kushtet kryenministri i ka. Ne mendojmë që edhe kjo protestë që ishte, edhe ky zë i fuqishëm që ishte është një aryse më shumë që kryeministri të ndërrojë mënyrën e të drejtuarit, të futet në vendet bashkëkohore demokratike, ta shtrijë dorën e bashkëpunimit, të ulet të diskutojë, ne jemi gati, kushtet janë të qarta, janë për dekriminalizimin e parlamentit, janë gjera pozitive për demorkacinë dhe Shqipërinë. Ne jemi gati të shkojmë, përndryshe jemi në lëvizje të detyruar.Disa prej kërkesave janë plotësuar nga ana e mazhorancës. A mos po këmbëngulet më shume sesa duhet për një ndërhyrje të faktorit ndërkombëtar? Parlamenti Europpian është institucioni që demokratët kërkojnë si garant për rikthimin në Kuvend, është ende aq e vështirë që politika shqiptare t’ia dalë vetë pa një ndërhyrje nga ndërkombëtarët?Ato çka janë plotësuar kanë qenë më shumë kozmetike. Unë e kam parë jo fort larg edhe e kam ndjekur me vëmendje kryeministrin kur tha që nuk ështe e domosdoshme që opozita të jetë në parlament. Me këtë mentalitet unë mendoj se është ai që është iniciatori që mendon se mund të qeverisi më lehtë kështu, e ka gabim. Nuk është mirë për të në atë në radhë të pare, nuk është mirë për Shqipërinë. Ne ja kemi shtrirë dorën e bashkëpunimit, jemi të parët që kemi ofruar konsensusin, ka qenë ai që ka shkelur konsensusin për reformën administrative, ka përjashtuar në mënyrëtë paligjshme, në mënyrë masive njerëz nga puna. Ne i ofruam konsensusin për të marrë statusin kandidat, kemi berë një projekt rezolutë në parlament për këtë punë, ndërkohë që para se të vinin në pushtet ka qenë ai që e bllokoi në mënyrë të padrejtë Shqipërinë, duke i humbur një tren shumë të rëndësishëm. Pra në mënyrë sistematike ky ka ndjekur rrugën që historia fillon me mua, nuk kam nevojë për opozitën dhe unë do të bëj atë çka dua. Kjo është ajo përqasja diktatoriale që unë them. Po ta shikojmë me kujdes kushtetutën ai është vetëm kryeministër i vendit. Ka një pozicion shumë të rëndësishëm, por të kufizuar në një vend të rëndësishëm siç është Shqipëria me arritje jo të përsosura, por këto që janë dhe duhet të mbajë këtë gjë. Ka ardhur me mendimin që është mesia dhe unë mendoj se ky është një mentalitet që shqiptarët kanë vuajtur dhe unë mendoj që në këtë pikë nuk ka perspektivë dhe e ka betejën e humbur.Keni marrë një mbështetje të fortë nga Partitë Popullore europiane, do të presim një reagim të shpejtë edhe nga përfaqësues të tjerë të Parlamentit Europian?Patjetër, sepse është fare e qartë, janë shqetësime të qarta, janë hapa prapa në drejtim të shtetit ligjor, janë hapa prapa në klimin e bashkëpunimit me opozitën. Janë hapa prapa në drejtimin e ekonomisë, unë mendoj që kjo mbështetje do të vazhdojë.Zoti Selami ju falenderoj që ishit në Ora News. Ishte kënaqësi të bisedoja me juFaleminderit për ftesën Ndiqni intervistën e plotë me deputetin e PD Eduard Selami