Rrëzohet anija turistike hapësinore “Virgin”, vdes piloti, plagoset tjetri (FOTO)
Nga OraNews Përditësimi i fundit 31 Tetor 2014, 20:41
Një raketë e hapësirës për turizëm në Shtetet e Bashkuara, është rrëzuar të premtën teksa po bënte prova të një fluturimi mbi Kaliforni.Shkaqet e rrëzimit nuk dihen akoma.Por Kompania Virgin Galactic, ka njoftuar se raketa e saj ka përjetuar një ‘anomali gjatë fluturimit’, menjëherë pasi që ishte nisur në drejtim të hapësirës.Kjo kompani, thotë se shumë shpejt do të tregojë shkaqet e rrëzimit të saj.Nga aksidenti ka humbur jetën njëri nga dy pilotët, ndërsa tjetri ka mbetur i plagosur.Virgin Galactic, ka për qëllim që në një të ardhme, të përdorë raketat e saj për turistë që duan të shohin hapësirën.Tashmë, më shumë se 500 njerëz kanë rezervuar ulëset e tyre për një udhëtim të tillë, të cilët kanë paguar nga një depozit prej 200,000 dollarë për një biletë, për disa minuta udhëtim nëpër hapësirë.
