Çuçi: Do të lidhim kontratë me një firmë që të vlerësojë bashkitë dhe komunat
Nga OraNews Përditësimi i fundit 29 Tetor 2014, 07:55
Tiranë – Ministri i Shtetit Bledar Çuçi ka deklaruar sot se Qeveria do të kontraktojë një firmë për të bërë vlerësimin financiar të bashkive dhe komunave të vendit.Deklarata është bërë në Komisionin e Ligjeve, ku Çuçi ka vënë në dukje se më maj është ngritur një grup ekspertësh për reformimin e qeverisjes vendore; së shpejti në Kuvend do të shkojë dhe ligji i ri për pushtetin vendor, amendamentet e të cilit do t’i shkojnë Kuvendit brenda këtij muaji për një bashkim administrative të sukseshëm. Po ashtu, në 2015-ën pesha e shpezimeve buxhetore për pushtetin vendor do rritet 2.7% e PBB.Po ashtu, si Koordinator kundër korrupsionit, Çuçi foli edhe për Strategjinë Anti-Korrupsion që është duke u hartuar në konsultim me të gjithë aktorët, pasi lufta ndaj korrupsionit nuk është vetëm përgjegjësi e qeverisë. “Jemi duke parë edhe kornizën ligjore për luftën kundër korrupsionit, - shtoi ai. - Deri tani janë bërë 416 kallëzime penale vetëm për korrupsionin.”Komisioni i Ligjeve në Kuvend thirri sot në seancë dëgjimore për Progres Raportin e KE 2014: Ministrin e Shtetit për Çështjet Vendore, Bledar Çuçin; Inspektoriatin e Lartë i Deklarimit dhe Kontrollit të Pasurive dhe Konfliktit të Interesave, Shkëlqim Ganajn; Komisionerin për Mbrojtjen e të Dhënave Personale dhe të Drejtën e Informimit, Besnik Dervishin si dhe Ministrin i Drejtësisë Nasip Naço.ar.sh/Oranews.tv
