Presidenti Obama në OKB: Të shkatërrohet IS, “rrjeti i vdekjes”
Nga OraNews Përditësimi i fundit 24 Shtator 2014, 18:20
Duke iu adresuar Asamblesë së Përgjithshme të OKB-së, presidenti i Shteteve të Bashkuara, Barack Obama, i ka bërë thirrje botës që të ndihmojë forcat e koalicionit, të udhëhequra nga SHBA-ja, për të shkatërruar militantët e Shtetit Islamik në Irak dhe Siri.Ai e ka quajtur këtë grup “rrjet të vdekjes”.“Nuk mund të ketë arsye dhe as negociata me këtë sinonim të së keqes. Gjuha e vetme e kuptueshme nga vrasësit është gjuha e forcës", ka thënë Obama.Evropa e Lire, shkruan se presidenti amerikan u ka bërë thirrje komuniteteve myslimane që të refuzojnë “në mënyrë të qartë dhe me forcë” ideologjinë e grupit.Obama ka thënë se Shtetet e Bashkuara nuk do të lejojnë streha të sigurta për terroristët dhe nuk do t’i lejojnë ata që të veprojnë si forcë pushtuese.
