Nis rikonstruksioni i rrugës “28 Nëntori”, Bashkia: Ja si ndryshon internerari i lëvizjes
Nga OraNews Përditësimi i fundit 26 Janar 2013, 10:39
Nisja e rikonstruksionit të rrugës “28 Nëntori” ndryshon internerarin e lëvizjes së mjeteve të transportit publik qytetës dhe qytetarëve. Bashkia e Tiranës në një njoftim të shpërndarë për mediat informon qytetarët dhe operatorët e transportit publik, se itinerari i lëvizjes së këtyre mjeteve do të kryhet si më poshtë vijon:• Mjetet e transportit publik qytetës të linjave “Qendër – Sauk – Sanatorium”, Qendër – ish - Uzina e Autotraktorëve – Qendër”, “Qyteti i Studentit” dhe Qendër – “Mihal Grameno” – Qendër”, lëvizja do të vazhdojë përgjatë bulevardit “Zhan D’Ark”, do të kthehen në bulevardin “Dëshmorët e Kombit”, do të kthehen në rrugën “Abdi Toptani” dhe do të pozicionohen në stacionin fundor, në rrugën “George Ë. Bush”.• Mjetet e transportit publik qytetës të linjës “Qendër – Porcelan – Qendër”, TEG do të pozicionohen në stacionin fundor, në rrugën “Luigj Gurakuqi” do të kalojnë në sheshin “Skënderbej”, do të vazhdojnë përsëri në rrugën ”Luigj Gurakuqi”, duke lëvizur sipas itinerarit të zakonshëm.• Mjetet e transportit publik urban qytetës të linjës “Qendër – Tufinë – Qendër”, nga rruga e “Dibrës” do të kthehen në segmentin pas Pallatit të Kulturës, deri tek rruga “Luigj Gurakuqi” dhe do të pozicionohen në stacionin fundor në këtë rrugë.• Linjat rrethqytetëse të Paskuqanit, Babrru dhe Linzë do të stacionohen në segmentin pas Pallatit të Kulturës.• Segmenti rrugor pas Pallatit të Kulturës do të kthehet me dy sense lëvizje, vetëm për mjetet e transportit publik.Bashkia e Tiranës ka njoftuar të gjithë operatorët e transportit publik, të marrin të gjitha masat e nevojshme, në përputhje me kontratën për informimin e qytetarëve, lidhur me stacionet e ndryshuara fundore.
