Greqi, shpërthen një autobombë në qendër të Athinës FOTO,VIDEO
Nga OraNews Përditësimi i fundit 10 Prill 2014, 07:20
Një autobombë ka shpërthyer në orët e para të mëngjesit në qendër të Athinës.
Ngjarja ka ndodhur në rrugën “Amerikis” të kryeqytetit grek ndërsa fatmirësisht nga shpërthimi nuk ka njerëz të lënduar, por janë shkaktuar dëme materiale, duke u dëmtuar disa ndërtesa dhe një zyrë e Trojkës.
Kanë qenë dy telefonata anonime në redaksitë e dy gazetave të cilat njoftuan se një makinë me 75 kilogramë eksploziv do të shpërthente në qendër të Athinës.
Menjëherë zona u izolua nga forcat e policisë, ndërsa u gjet një makinë e markës Nissan Sunny që sipas të gjitha gjasave ishte e vjedhur.Policia largoi në kohë njerëzit që gjendeshin në zonë, kryesisht punojës të policive private, dhe bllokuan qarkullimin në një rreze të gjerë për të mos patur viktima.
Në orën 05:55 ndodhi shpërthimi i telekomanduar që u dëgjua në thuajse gjithë Athinën dhe makina u shkatërrua krejtësisht.Në vendngjarje ndodhen forca të shërbimit antiterror dhe të kriminalistikës dhe po kryejnë hetimet dhe ekzaminimet përkatëse.
