Protestojnë shqiptarët e Malit të Zi: Duam të drejta për vetëqeverisje lokale
Nga OraNews Përditësimi i fundit 7 Prill 2014, 08:39
Shqiptarët që jetojnë në Mal të Zi protestuan dje në qytetin Tuz duke kërkuar më shumë të drejta. Ata paralajmëruan se nuk do të marrin pjesë në zgjedhjet e 25 majit.Forumi Demokratik për Integrim dhe Aleanca Demokratike janë të pakënaqur me politikën që diskriminon shqiptarët e Malit të Zi.“Duam të drejta për vetëqeverisje lokale dhe nuk heqim dorë nga kjo”, ka thënë Besnik Gjonaj nga Forumi Demokratik për Integrim.Në protesta u shpalos flamuri shqiptar dhe ai i Kosovës, por jo flamuri i Malit të Zi.“Kemi bërë shumë për këtë shtet, e shteti ka krijuar shoqërinë ku shqiptarët janë të padëshiruar. Është koha që shteti të shpreh respekt ndaj nesh”, ka shtuar Gjonaj.Shqiptarët thonë se ky është fillimi i demonstratës që do të mbahet me 8 prill në Ëashington. Sipas tyre, diaspora shqiptare këtë mesazh do t’ia përcjell edhe kryeministrit Milo Dukanoviç që niset sot për një vizitë zyrtare në SHBA.
