Shqiptarët të varur nga alkooli, mjekët: 150 mijë vartës të pijeve
Nga OraNews Përditësimi i fundit 8 Dhjetor 2012, 14:24
150.000 shqiptarë janë vartës të alkoolit dhe për të dalë nga kjo situatë duhet të kalojnë procesin klinik. Në rast se trajtimi klinik nuk nis në kohë vartësitë e alkoolit rrezikojnë të mbartin patologji të rënda, kurimi i të cilave është gati i pamundur.Mosha më e prekur nga varësia e alkoolit është ajo nga 30 deri në 60 vjeç por në rastin më të keq, në qëndrën për të trajtimin e të alkoolizuarve ka patur raste kur pacientët janë të mitur 16 dhe 17 vjec. Shefi i Klinikës së Vartësisë nga Alkooli ,Shpëtim Doksani, thotë se në këtë qëndër janë trajtuar 400 persona.Nënkryetari i Komisionit të shëndetësisë, Tritan Shehu, thotë se jemi të gatshëm që në Komision të rishikojmë ligjin anti-alkool dhe në anën tjetër duhet të punohet më fort me aksione, task-forca e polici bashkiake për të frenuar shitblerjet e alkoollit në baret e vendit.Ekspertët shpjeguan se një ndër shkaqet që e drejton individin tek gota e alkoolit është situata jo e mirë ekonomike. Sipas të dhënave gati 30% jane konsumatore alkoolike të lehtë, të moderuar dhe problematike; 15% konsumatorë problematike, abuzues dhe të rrezikshëm.
