Tiranë, alarm fals për bombë në shkollën "1 Qershori"
Nga OraNews Përditësimi i fundit 27 Janar 2014, 12:30
Policia e Tiranës është vënë në alarm sot, pasi është sinjalizuar për vendosjen e një bombe në shkollën 9-vjeçare “1 Qershori”.Menjëherë në vendin e ngjarjes kanë mbërritur ekspertë të policisë dhe forcat xheniere, të cilët kanë bërë evakuimin e stafit të mësuesve dhe nxënësve brenda ambjenteve të shkollës.Gjithashtu policia ka vijuar me kontrollohet brenda ambjenteve të shkollës ku ka konstatuar se bëhej fjalë për një alarm fals.Ndërkohë policia është duke hetuar për identifikimin e personit i cili telefonoi në numrin 129 duke dhënë alarmin e rremë.Alarmet për bomba në shkollat e kryeqytetit janë bërë tashmë të zakonshme. Vetëm një javë më parë një tjetër alarm fals për bombë në shkollën “ Qemal Stafa”vuri në gadishmëri efektivët e policisë së Tiranës.
