Berisha-Arvizu ‘shkrijnë akujt’, takimi i parë që prej zgjedhjeve të 23 qershorit
Nga OraNews Përditësimi i fundit 15 Janar 2014, 15:02
Para 23 qershorit, takimi mes Sali Berishës atëherë Kryeministër dhe Ambasadorit amerikan nuk përbëntë lajm, por sot pas më shumë se gjashtë muajsh lideri historik i politikës shqiptare dhe diplomati amerikan kanë shtrënguar duart mes tyre, duke lënë pas përplasjet deklarative dhe publike dhe shkrirë malin e akullt që i mbante larg.
Ambasadori amerikan ka kaluar vetëm një rrugicë të qëndrës së Tiranës për të qëndruar për më shumë se 40 minuta në zyrën e re të Berishës. Momenti më delikat i mardhënieve Berisha-Arvizu u shënua në kohën e debatit për armët kimike, ku diplomati amerikan vuri pikëpyetje mbi rolin e Berishës së dorëhequr në PD.
Në njoftim zyrtar të zyrës së ish-Kryeministrit nuk citohet asnjë deklaratë e Ambasadorit amerikan, por vetëm shqetësimet e ngritura prej Berishës dhe akuzat e forta ndaj kryeministrit Rama.Berisha shprehu shqetësimin e tij lidhur me zhvillimet ne procesin e integrimit të Shqipërisë, ku tha se me veprimet e këtyre muajve të parë të qeverisjes, z Rama, nën moton "nuk zbatojmë ligjet e Berishës", po shkon në drejtim të kundërt me përmbushjen e standarteve duke dhunuar dhe rrëzuar sistematikisht me vendime qeverie Kushtetutën dhe ligjet e vendit.Gjithashtu ish-Kryeministri ka ngritur me mjaft shqetesim dhe shkarkimet ne administrate. Ai tha se Rama, në kundërshtim me ligjet e vendit dhe standartet evropiane po shkatërron administratën shtetërore duke shkarkuar drejtuesit dhe punonjësit e specializuar dhe po I zëvëndëson këta me militantë politik.
"Ai ka vendosur në krye të Policisë së Shtetit një komisioner të Partisë Socialiste, në krye të Agjensisë së Pastrimit të Parave ka vendosur kryefinancierin e PS, në krye të Institutit të Statistikave anëtarë dhe drejtues të strukturave të PS dhe G-99, ndërsa në krye të Komisionit të Prokurimit Publik ka vendosur një nga personat më të politizuar të vendit, i cili përcakton fituesit e tenderave sipas porosive nga lart", ka theksuar Berisha.Gjithashtu Berisha, i tha Ambasadorit amerikan se qeveria Rama-Meta po sulmon institucionet e pavarura të vendit me procedura antikushtetuese dhe antiligjore, dhe sipas tij një shembull i qartë në këtë aspekt është përpjekja për shkarkimin e kryetares të ILDKP-se me qëllim që të sigurojnë fshehjen e pasurisë së tyre si dhe të ushtrojnë presion mbi sistemin gjyqësor dhe hallka të tjëra të shtetit, kjo sipas tij e ka bere qe gjykatësit sot te refuzojnë çështje në të cilat paditet qeveria.Në këtë kuadër Berisha theksoi se sot në gjykatat e vendit, përfshi edhe atë Kushtuese, kanë gjykatës të kërcënuar me jetë nga segmente të pushtetit, ose edhe nga nga vet Rama.Marrëdhenjet mes ish-kryeministrit Sali Berisha dhe Ambasadorit amerikan, Aleksander Arvizu, ka pasur ulje dhe ngritje te ndjeshme, ku ne shume raste nuk kane kursyer dhe akuza te moderuara per njeri-tjetrin.Kjo beri qe kur Drejtori për Çështjet e Evropës Qendrore dhe Jugore në Departamentin e Shtetit, Jonathan Moore vizitoi Tiranen, Ambasadori Arvizu te mos e shoqeronte ate ne takimin qe pati me ish-Kryeministrin Berisha.
