Rusia tronditet sërish, tjetër sulm në Volgograd, kamikaze në autobus
Nga OraNews Përditësimi i fundit 30 Dhjetor 2013, 08:49
Një tjetër shpërthim ka tronditur qytetin Vollgograd të Rusisë. Një ditë pasi 17 persona humbën jetën në një stacion treni, të paktën 10 persona të tjerë vdiqën nga një sulm i ngjashëm pranë një tregu në distriktin e Dzerzhinskit.Bomba ishte vendosur në një trolejbus të mbushur me pasagjerë që po shkonin në punë. Shpërthimi ka shkatërruar mjetin dhe ka thyer dritaret e banesave përreth.Një zëdhënës i grupit hetimor rus ka thënë se shpërthimet e dy ditëve të fundit po trajtohen si akte terroriste. Deri tani, asnjë grup nuk e ka marrë përgjegjësinë e këtyre sulmeve në Vollgograd.Moska është e shqetësuar për faktin se grupe të ndryshme militante po rrisin gjithmonë e më shumë veprimtarinë e tyre në kuadër të Lojërave Olimpike Dimërore që do të mbahen në Sochi, në vitin 2014. Volgogradi, i njohur dikur si Stalingrad, për nder të diktatorit sovjetik, Josef Stalin, është rreth 700 kilometra në verilindje të Soçit.Presidenti rus Vladimir Putin ka urdhëruar organet e rendit për të forcuar sigurinë. Në të gjithë Rusinë janë forcuar masat e sigurisë në stacionet e trenit dhe aeroporte.
