Ja përgjimet. Thaçi e quan Krasniqin “Jakupovski” e Lushtaku e quan “qen”
Nga OraNews Përditësimi i fundit 30 Nëntor 2012, 13:26
Për kryeministrin Hashim Thaçi, kryetari i Kuvendit, Jakup Krasniqi quhet “Jakupovski”. Për Sami Lushtakun është qen, e për Vlora Çitakun paraqet problem të madh.Këto cilësime i kanë bërë zyrtarët më të lartë të Partisë Demokratike të Kosovës, sekretarit të partisë së tyre, Jakup Krasniqi.Pesë audio incizime të dërguara në adresë të mediave dhe të postuara edhe në faqen e internetit YoTube shpalosin “stilin” e komunikimit në telefon të Hashim Thaçit, Kadri Veselit, Adem Grabovcit, Vlora Çitakut e Sami Lushtakut.Shefi i Grupit Parlamentar të Kosovës, Adem Grabovci është më i përgjuari, i cili del të jetë fajtor koordinues i proceseve në Kosovë dhe koordinues kundër kryetarit të Kuvendit të Kosovës, Jakup Krasniqi, dhe nënkryetarit të PDK-së, Fatmir Limaj. Ndonëse Limaj nuk përmendet me emër, ai është subjekt i bisedave telefonike.
