Beograd, zbulohet bomba nga Lufta e Dytë Botërore
Nga OraNews Përditësimi i fundit 8 Dhjetor 2013, 11:10
Një bombë nga Lufta e Dytë Botërore, që është gjetur në qendër të kryeqytetit Beograd në Serbi, është nxjerrë mbrëmë pak para mesnatës, dhe më pas me kamion është transportuar në një poligon ushtarak.Bomba prej 1090 kilogramësh, me 620 kilogramë eksploziv, e gjetur dje në mëngjes, në një thellësi prej gjashtë metrash, është nxjerrë mbrëmë vonë me masa të shtuara të sigurisë nga ana e policisë dhe e zjarrfikësve.Vendin, ku ishte gjetur bomba, e kanë vizituar zyrtarët e lartë të Serbisë dhe të qytetit të Beogradit.Bomba ka “forcë të madhe shkatërruese” dhe sikur të kishte shpërthyer mund të kishte shkatërruar gjithë hapësirën përreth, tha Ivica Daçiç, kryeministër i Serbisë.Ai gjithashtu ka theksuar se bomba ishte gjetur rastësisht gjatë punëve, dhe ka ekzistuar mundësia që ajo të mos gjendej kurrë.
