Meta takohet me homologun gjerman: Shqiperia e ka vendin në Europë
Nga OraNews Përditësimi i fundit 2 Dhjetor 2013, 18:41
Ne kuader te nje vizite pune ne Gjermani, Kryetari i Kuvendit, Ilir Meta, u prit sot nga Presidenti i Bundestagut Norbert Lammert me te cilin diskutuan rreth marredhenieve dypaleshe Shqiperi-Gjermani, ecurise se integrimit evropian te Shqiperise dhe zhvillimeve ne rajon.Presidenti i Bundestagut, duke vleresuar mbarevajtjen demokratike te zgjedhjeve te pergjithshme te 23 qershorit, shprehu bindjen se Shqiperia e ka vendin ne Evrope dhe per kete nevojitet nje perspektive e qarte per vendin.
Ndërkaq Kryetari i Kuvendit shprehu kenaqesine per viziten ne Berlin, duke vene ne dukje rendesine e madhe qe Gjermania perfaqeson per Shqiperine dhe shqiptaret. Meta theksoi se Shqiperia mbeshtetet fort tek perkrahja e Gjermanise, si ne planin dypalesh, ashtu edhe ne drejtim te integrimit evropian.Kryetari i Kuvendit nenvizoi se votimi me konsensus te plote i Rezolutes per Integrimin Evropian ne Kuvendin e Shqiperise gjate javes se kaluar, eshte shenje e qendrimit te perbashket te paleve politike ne mbeshtetje te rekomandimit te Komisionit Evropian per miratimin e statusit te vendit kandidat te Shqiperise ne Bashkimin Evropian.
Duke diskutuar mbi ecurine e reformave ne vend, Meta theksoi se Qeveria e re po tregon vullnet te plote duke ndermarre nje sere hapash te rendesishem ne drejtim te forcimit te sundimit te ligjit ne vend, sidomos ne drejtim te luftes kunder krimit te organizuar dhe korrupsionit.Ne kete drejtim, kryeparlamentari Meta vuri ne dukje se pas votimit konsensual te 3 ligjeve, zhvillimit te zgjedhjeve te lira e demokratike ne qershor, dhe vecanerisht pas rekomandimit pozitv te Komisionit, miratimi i statusit kandidat per Shqiperine do te jepte nje mesazh pozitiv vleresimi jo vetem per shqiptaret, por edhe per perspektiven evropiane te te gjithe Ballkanit Perendimor.Lammert dhe Meta diskutuan gjithashtu edhe mbi zhvillimet e fundit ne rajon, duke ndare bindjen se Shqiperia ka nje peshe dhe rol te vecante, te cilin e ushtron me konstruktivitet dhe pergjegjesi.Meta theksoi se "Shqiperia luan nje rol pozitiv, dhe do vazhdoje t'a rrise kete rol te rendesishem per forcimin e stabilitetit te Ballkanit Perendimor".Presidenti i Bundestagut, Norbert Lammert dhe Kryetari i Kuvendit te Shqiperise Ilir Meta rane dakort per te intensifikuar me tej marredheniet midis dy parlamenteve ne te ardhmen.
