Alarmi i PD: Po rritet krimi, Ministri i ri e ktheu vendin në hartën e trafikut
Nga OraNews Përditësimi i fundit 19 Nëntor 2013, 15:19
Ministri i Brendshëm viziton Europën, teksa Shqipëria po kthehet sërish në ditët e këqija, kur ishte në hartën e zezë të prodhimit dhe transitit të drogës. Kështu deklaroi për mediat zëdhënësja e silisë blu, Laura Vorpsi, duke ju referuar vizitës në Francë të Ministrit Saimir Tahiri. Sipas saj, Ministri i tregon homologut francez për masat dhe sukseset e policisë shqiptare, kur në fakt realiteti është krejt ndryshe.“Ministri i Brendshëm Saimir Tahiri po bën një udhëtim në Europë, ndërkohë që krimi dhe pasiguria për jetën po rriten në Shqipëri, ndërkohë që viktimat dhe humbja e jetës shtohen nga dita në ditë, ndërkohë që krimi i organizuar po lulëzon, ndërkohë që janë rishfaqur grabitjet e udhëtareve në rrugët e vendit.Ministri i Brendshëm viziton Europën, teksa Shqipëria po kthehet sërish në ditët e këqija, kur ishte në hartën e zezë të prodhimit dhe transitit të drogës.Ministri Tahiri i tregon ministrit të brendshëm francez për masat dhe sukseset e policisë shqiptare, kur në fakt realiteti është krejt ndryshe” deklaroi ajo.Po cili është realiteti i rendit dhe sigurisë në vend, e parë në optikën e Partisë Demokratike?“Realiteti është ky; Për shkak të largimeve masive nga detyra dhe pa asnjë motiv të profesionistëve të policisë, dhe zëvendësimit të tyre me militantë partiakë, për shkak të futjes së policisë së shtetit nën kontrollin e rreptë të Partisë Socialiste, janë dyfishuar dhe trefishuar vrasjet, vjedhjet, grabitjet, trafiku i drogës dhe aksidentet në vend. Pasiguria e jetës nuk ka qenë kaq e fortë sa në ditët e këtij ministri e të kësaj qeverie.Këtë duhet t’u thotë Ministri Tahiri ministrave që takon në Europë. Kjo është për fat të keq e vërteta e rendit sot në Shqipëri” përfundoi zëdhënësja e PD, Laura Vorpsi.
