Shkatërrimi i armëve kimike, eksperti amerikan: Shqipëria i ka potencialet

Nga OraNews Përditësimi i fundit 14 Nëntor 2013, 11:37

Shqipëria i ka të gjitha potencialet për të kryer shkatarrimin e armëve kimike siriane. Kështu është shprehur eksperti amerikan Daniel Kaszeta në një intervistë për “Ora News” përmes Skype duke theksuar se vendimi për Shqipërinë nuk është marrë ende.“Siria po mundohet të largojë 1 mijë tonë lëndë kimike dhe Shqipëria është vendi më i afërt  dhe një vend me eksperiencë në këtë drejtim. Nuk është e qartë se kush e rekomandoi Shqipërinë për të kryer një proces të tillë. Afërsia që ka Shqipëria me Sirinë dhe eksperienca që ajo ka janë disa nga faktorët që ajo të jetë një kandidate potenciale për të kryer këtë detyrë.  Ndërtesat e ngritura për shkatërrimin e armëve kimike janë nga më të mirat dhe më funksionalet. SHBA mund ta kishte marrë përsipër çmontimin e armëe kimike por baza që operonte për çmontimin e armëve kimike pranë ishujve Haëai nuk është më. Nuk mendoj se vendimi është marrë pasi vendimi pritet të merret në fund të muajit ” theksoi eksperti amerikan.Ai ka sqaruar se shkatërrimi i këtyre armëve kimike nuk ka aq rrezikshmëri sa është paraqitur ditët e fundit dhe se Shqipëria i ka kapacitet për ta kryer këtë proces."Çmontimi i armëve kimike nuk paraqet një problem të jashtëzakonshëm sa është bërë e ditur gjatë ditëve të fundit. Gjatë përpunimit të lëndëve kimike ka edhe lëndë të tjera që janë më të rrezikshme.Shqipëria i ka të gjitha potencialet për ta bërë këtë, pasi ajo ndërtesë është krijuar për të shkatërruar lëndë kimike është projektuar për të shkatërruar lëndë më të rëndësishme se sa është gazi sarin" theksoi Kaszeta.I pyetur në lidhje me protestat që po zhvillohen në Shqipëri, eksperti amerikan është shprehur se i takon qeverisë që t`i bindë qytetarët që ky proces nuk është aq i rrezikshëm sa paraqitet."E njëjta gjë ka ndodhur edhe në SHBA por qeverisë i duhej një punë për ti bindur qytetarëve që shkatërrimi i armëve kimike nuk paraqet rrezikshmëri të madhe. Duhet  të dëgjohet opinioni i qytetarëve dhe nëse qytetarët nuk e duan këtë atëherë edhe ndërkombëtarët duhet të kërkojnë një vend tjetër për ta kryer këtë proces” tha ai.