Adrian Civici promovon në UET librin "Shteti apo Tregu? Cilin model zhvillimi të ndjekim?”
Nga OraNews Përditësimi i fundit 16 Tetor 2013, 22:09
Ai ngre një pyetje të rëndësishme për lexuesit dhe bën një analizë të shtjelluar të situatës ekonomike dhe të modeleve më të suksesshme të saj në vendet e zhvilluara dhe në ata në zhvillim. Libri i Adrian Civicit mban titullin "Shteti apo Tregu? Cilin model zhvillimi të ndjekim?”
Sugjerimet janë të qartat për këto modele. Rrugëtimi është i gjatë dhe trajtesa gjithashtu bëhet në bazë të shembujve që jep ekonomisti i njohur. Ai e quan si një rrugëtim në dilemat e politikave ekonomiko-financiare dhe faktorët e zhvillimit, shembujt pozitivë e negativë në mjaft vende e rajone të botës.
Gjithashtu në këto botime gjenden modelet e kapaitalzimit, reformat e rëndësishme të ndërmara ndonjëherë në Europë dhe botë.Ekonomisti i njohur trajton edhe rëndësinë e reformimit të bankave, përballjen e përditshme me efektet e ngrohjes globale, ndryshimeve klimatike, sfidën e ushqimeve, shkatërrimin e diversitetit etj.
Fenomene këto që në dukje nuk janë vetëm ekonomik, por realisht të lidhura me ekonominë. Si Presidenti i Univetsitetit Europian të Tiranës, Civici ndau përshtypjet me miqtë për librin gjatë promovimit të tij në mjediset e Universitetit Europian të Tiranës.
