Kosovë-Serbi, sot vazhdojnë bisedimet në Bruksel
Nga OraNews Përditësimi i fundit 17 Qershor 2013, 07:18
Delegacionet e Kosovës dhe Serbisë takohen sot në Bruksel, për një raund të ri të dialogut teknik në fushën e telekomunikacionit dhe energjetikës.Sipas paralajmërimeve nga Beogradi, kjo llogaritet të jetë mundësia e fundit që u ka lënë Bashkimi Evropian palëve për të gjetur një zgjidhje për këto dy fusha.Zëvendëskryeministri serb për politikë të jashtme dhe telekomunikacion Rasim Lajic, i ka thënë agjencisë serbe të lajmeve Beta se pret që sot të arrihet një marrëveshje me palën kosovare për këto çështje e cila sipas tij “do të jetë e pranueshme për të gjithë dhe e qëndrueshme”.Në raundin e fundit në Bruksel, palët nuk kishin arritur marrëveshje, dhe Brukseli nuk kishte paraqitur asnjë zgjidhje të ndërmjetme.Takimi i sotëm do të zhvillohet në nivel ministrash.Bisedimet kanë ngecur pasi Serbia insiston që ajo të kërkoj një kod telefonik ndërkombëtar për Kosovën, gjë të cilën e refuzon Prishtina.Delegacioni kosovar ndërkaq ka thënë se kërkesën pranë Unionit Ndërkombëtar të Telekomunikacionit (ITU) për prefiks ndërkombëtar do ta bëjë vetë, ose eventualisht do të dakortësohet që një shtet i tretë i Bashkimit Evropian ta bëjë kërkesën për të.Në fushën e telekomunikacionit, palët po ashtu nuk bien dakort për licencimin të një operatori serb të telefonisë celulare në Kosovë.Beogradi po insiston që operatorit t’i jepet licenca pa procedura, kurse Prishtina thotë se është licencat janë çështje e tenderimit, por se është e gatshme që t’i lehtësoj procedurat për dhënien e licencës një kompanie serbe, e cila do të punonte si operator virtual, brenda rrjetit të dy operatorëve legjitim në Kosovë.
