Barcelona firmos me talentin që do të bashkohet me katalanasit një vit më pas
Nga OraNews Përditësimi i fundit 12 Korrik 2023, 18:23
Është zyrtare, Barcelona blen një nga talentet më të mëdhenj të momentit por nuk preferon ta aktivizojë menjëherë duke e lënë edhe për një vit në formë huazimi.
Bëhet fjalë për brazilianin Vitor Roque, pjesë e Club Athletico Paranaense. Marrëveshja është mbyllur për rreth 30 milionë euro plus 31 milionë të tjera në formë bonusesh nëse lojtari do të arrijë të gjitha objektivat e vendosura në kontratën mes palëve.
Ai ka nënshkruar një kontratë që e lidh me Barcelonën deri në vitin 2031 dhe ka një klauzolë shitjeje 500 milionë euro.
