“Alarm për vendin mungesa e specialistëve”, mjeku: Qeveria të marrë masa, keqmenaxhohet sistemi shëndetësor
Nga OraNews Përditësimi i fundit 2 Janar 2023, 16:49
Mjeku Besnik Jakaj në një intervistë për Ora News me gazetaren Anila Zyberaj tha se sistemi shëndetësor po keqmenaxhohet dhe kjo “paguhet pasataj me shëndetin e qytetarëve”.
Sipas tij “Në qendrën spitalorë universitare Nënë Terëza ka më shumë koordinator sesa mjekë e laborant”.
Jakaj thotë se qeveria duhet të marri masa për rritjen e pagave të mjekëve e të personelit shëndetësor në tërësi dhe krijimin e kushteve të punës.
Besnik Jakaj: Jemi vendi me numrin më të ulët të mjekëve, laburontëve dhe infermjerëve sepse fatkeqësisht në shumicën e rasteve është bërë modë të zëvendësojmë edhe mjekët e infermjerët me koordinatorë. Në qendrën spitalorë universitare Nënë Terëza ka më shumë koordinator sesa mjekë e laborant. Është keqmenaxhim i sistemit shëndetësor e cila paguhet pasataj me shëndetin e qytetarëve. Institucionet përgjegjëse por qeveria në plan të parë duhet të marri masa për rritjen e pagave të mjekëve e të personelit shëndetësor në tërësi dhe krijimin e kushteve të punës pasi janë element të gërshetuar.
Pesë mënyra për të arritur qëllimet tuaja të Vitit të Ri
2 Janar, 15:56
"Mjeku është qytetar, me këtë rritje të çmimeve dhe moslëvizjen e pagave mjeku e ka të pamundur të shkollojë fëmijët e të ushqehet e veshmbathje që janë bazike, e detyrohet të largohet. Largimi masiv të çon në mungesë të specialistëve dhe mungesë të plotë të shërbimit shëndetësor. Është alarm sot për vendin.", tha ai.
Shenim: *Ky është artikull ekskluziv i Ora News, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Artikulli mund të ripublikohet nga mediat e tjera vetëm duke cituar “Ora News” bashkëngjitur me linkun e artikullit origjinal.
