Kërkohej prej tre ditësh, e moshuara gjendet e mbytur në liqenin e Prespës
Nga Iris Rezhda Përditësimi i fundit 2 Janar 2023, 10:08
Një e moshuar në Pustec, e cila kërkohej prej tre ditësh është gjetur e mbytur.
Viktima Selvie Shena 80-vjeçe, e cila jetonte e vetme në banesë, prej 3 ditësh nuk gjendej.
Denoncimi në polici është bërë dje nga vajza.
Mëngjesin e sotëm, pas kërkimeve të emergjencave të bashkisë, zjarrfikëses dhe policisë, u gjet një trup i pajetë në liqenin e Prespës.
"Më datë 02.01.2023, rreth orës 10:00, në fshatin Liqenas, Pustec, pranë molit është konstatuar e mbytur në ujë, shtetasja S. Sh., 80 vjeçe, banuese në Liqenas. Nga këqyrja paraprake e trupit të viktimës, nuk janë konstatuar shenja dhune.
Për shtetasen S. Sh., një ditë më parë, ka bërë kallëzim në Polici, vajza e saj shtetasja V. Sh., rezidente në Greqi, e cila ka deklaruar se nëna e saj ishte larguar nga banesa më datë 30.12.2022" njoftoi policia.
Trupi i pajetë i 80-vjeçares, është nxjerrë nga uji dhe do të dërgohet pranë morgut të spitalit Korçë, për ekzaminime të mëtejshme.
Grupi hetimor po punon për sqarimin e plotë të rrethanave të ngjarjes.
Materialet i kaluan Prokurorisë pranë Gjykatës së Shkallës së Parë Korçë, për veprime të mëtejshme.
Foto nga vendi ngjarjes
