Maliq/ Shpërthen bombola e gazit në banesë, plagoset kryefamiljari, djali i tij dhe kunati
Nga Iris Rezhda Përditësimi i fundit 17 Dhjetor 2022, 17:22
Tre persona mbetën të plagosur në Maliq pas shpërthimit të një bombole gazi në shtëpinë e tyre.
Ngjarja ka ndodhur rreth orës 16:15, në fshatin Vashtëmi.
Në banesën e shtetasit R. K., 59 vjeç, dyshohet se nga pakujdesia ka plasur një bombol gazi.
Dyshohet se ka patur rrjedhje gazi dhe nga ndezja e një cigareje ka shpërthyer.
Për pasojë kanë marrë djegie trupore shtetasit R. K, djali i tij T. K., 34 vjeç, si edhe kunati i R.K, A. M., 40 vjeç, të cilët ndodhen në spitalin e Korçës nën kujdesin e mjekëve.
Mësohet se ata do të transportohen drejt Tiranës për mjekim të specializuar.
Grupi hetimor po punon për sqarimin e rrethanave të ngjarjes.
