Tentativa për përdhunim në grup të 14-vjeçares brenda shkollës, 2 në burg, lirohen shqiptarët
Nga OraNews Përditësimi i fundit 16 Dhjetor 2022, 22:29
Një 16-vjeçar rom dhe një 15-vjeçar grek janë lënë në burg për tentativën e përdhunimit në grup të shoqes së tyre të klasës, në ambjentet e një shkolle të mesme në Korinth.
Tre të tjerët, mes tyre dy shqiptarë, janë liruar me kushte shtrënguese.
Ata do të duhet të paraqiten në Drejtorinë e Policisë së zonës së tyre.
Procesi i kërkimit të faljeve të pesë nxënësve ka filluar në orën 12 të së enjtes, është ndërprerë rreth orës 01:00 dhe ka vazhduar të premten në mëngjes me vendimin për paraburgimin e dy të akuzuarve.
Siç rrëfeu 14-vjeçarja në polici, sulmi ndodhi rreth orës 11 të mëngjesit të së mërkurës (14/12), ndërkohë që zilja e fund pushimit kishte rënë dhe nxënësit po ktheheshin në klasë.
Pesë shokë të klasës e kanë imobilizuar duke ushtruar dhunë fizike dhe më pas e kanë prekur në gjoks dhe organet gjenitale.
Nxënësja njoftoi drejtorinë e shkollës dhe prindërit e saj dhe pasditen e së njëjtës ditë nëna e saj denoncoi ngjarjen në Policinë e Korinthit.
Përveç arrestimit të nxënësve, autoritetet ngritën edhe një kallëzim ndaj prindërve të tyre për neglizhencë për mbikëqyrjen e të miturve.
