Policia s’lejoi protestën, reagon Balliu: Europianët më të sigurt mes protestuesve se në krah të Ramoviçit
Nga OraNews Përditësimi i fundit 26 Nëntor 2022, 15:59
Shefi i Organizimit të PD, Klevis Balliu, për mes një postimi në rrjetin e tij social facebook ka lejur lidhur me mosdhënien leje nga ana e policisë për organizimin e protestës së opozitës me datë 6 dhjetor, ditë kur liderat e BE do të jenë në Tiranë.
Ai e quan këtë vendim si një “degradimi i Policisë së Shtetit është një nga dramat më të mëdha të shoqërisë tonë”.
Postimi i plotë:
Europianët më të sigurtë mes protestuesve se sa në krah të Ramoviçit.
Degradimi i Policisë së Shtetit është një nga dramat më të mëdha të shoqërisë tonë.
Militantë dhe patronazhistë të emëruar në Polici po bëjnë pis uniformën e nderuar të Policisë së Shtetit.
Policia e pushtetit sot është mbushur me individë që nuk kanë lidhje me Policinë, nga trafikantë, antarë bandash e deri tek hajdutët e fundit tek Liqeni Artificial, të cilët u raportuan në media se grabisnin të rinjtë në këtë zonë.
Të sigurtë të jemi të gjithë se këta banditë me uniformë nuk mund të garantojnë sigurinë e lidereve të BE që vijnë në Tiranë.
Por duhet të jemi të qartë gjithashtu se këta janë të emëruarit e partisë dhe nuk përfaqësojnë çdo efektiv të Policisë.
Në Policinë e Shtetit ka shumë efektivë të ndershëm që ndihen të turpëruar nga këta pseudo policë të Edi Ramës.
Kriminalizimi i policisë është një nga krimet më të mëdha që i është bërë shtetit shqiptar, duke shkatërruar rendin dhe sigurinë publike.
Ndaj me 6 Dhjetor ne do të protestojmë për të mbrojtur Policinë e Shteti, rendin dhe sigurinë publike e padiskutim dhe sigurinë e aleatëve tanë europianë që do të jenë në Tiranë.
Por një gjë është e sigurtë se partnerët tanë Europianë janë më të sigurtë në protestën me pro europiane se sa në krah me Edvinoviçin.
Me Edi Ramën Shqipëria dhe Policia është në rrezik.
