PD çon në Gjykatë Kushtetuese marrëveshjen për Portin e Durrësit
Nga OraNews Përditësimi i fundit 11 Nëntor 2022, 12:11
Partia Demokratike padit në Gjykatë Kushtetuese marrëveshjen e ndërtimit të Portit të Durrësit.
"Një aferë e gatuar në fshehtësi, jo thjesht me mungesën e transparencës por e bërë qëllimisht. Një grabitje e tillë e pasurisë publike për interesa private. Dhënia për interesa përfitimi individësh privatë nën petkun e investitorëve strategjikë por në fakt kompani offshore që pas tyre qëndrojnë interesat e pushtetarëve" tha Oerd Bylykbashi i cili depozitoi dosjen në Gjykatë
Me kërkesë të qeverisë Kuvendi votoi të mërkurën e 9 nentorit futjen me procedurë të përshpejtuar projektligjin për marrëveshjen e ndërtimit të Portit të Durrësit, një investim 2.1 miliardë euro, që do e kthejë portin e vjetër në një atraksion turistik me ndërtetsa të larta dhe port jahtesh.
