Futet të shuajë zjarrin për të shpëtuar bazën ushqimore të bagëtive, një i plagosur në Korçë

Nga OraNews Përditësimi i fundit 1 Nëntor 2022, 22:14

Një shtetas mbeti i plagosur në Korçë në përpjekje për të shuar një zjarr në pronën e tij.

Ngjarja ka ndodhur rreth orës 21:00, në fshatin Kamenicë.

"Ka rënë zjarr në ambientin ku mbahej baza ushqimore e bagëtive, në pronësi të shtetasit A. D., i cili duke u munduar të shuante zjarrin, ka pësuar djegie trupore dhe aktualisht ndodhet në spitalin e Korçës, nën kujdesin e mjekëve".

Grupi hetimor po punon për zbardhjen e rrethanave dhe përcaktimin e shkaqeve të rënies së zjarrit.