“Volejbolli sporti i parë i harruar në Shqipëri”, Bushati: Kushtet skandaloze, nuk kemi as dushe ku të lahemi
Nga OraNews Përditësimi i fundit 30 Tetor 2022, 23:00
Silvana Bushati thotë se volejbolli besoj se është sporti i parë i harruar në Shqipëri.
Në një intervistë në emisionin “Ora Sport” Bushati tregoi për kushtet e vështira me të cilat përballen sportistët këtij sporti në Shqipëri ku sipas saj përveç financave e mungesës së tifozëve mungojnë dhe dushet.
Silvana Bushati: Volejbolli besoj se është sporti i parë i harruar në Shqipëri. Ai që do të bëhet sportist bëhet, por për vetë kushtet që kemi për financat. Një pjesë e rëndësishme e sportit janë edhe tifozët, gjë që vijnë vetëm familjarët tanë edhe ata kur i marrim me zor. Janë edhe kushtet, rrogat, se çdokush punon për lekë, nuk ka financa. Janë kushtet që unë për vete gjatë gjithë jetës jam larë në shtëpi. Dushet lanë për të dëshiruar. Nuk janë kushtet për tu larë. Siç luajmë ikim dhe lahemi në shtëpi. Dushi nuk është luks.
