Mposhtën Partizanin, Zejnullai: E ndjeja se do të dilnim mirë, dinim pikat e forta
Nga OraNews Përditësimi i fundit 30 Tetor 2022, 22:14
Egnatia ka marrë një fitore mjaft të rëndësishme kundër kryesuesit të kampionatit, Partizanit.
Arbin Zejnullai është ai i cili merr merita të veçanta për këtë tre pikësh, pasi është autori i dy prej 3 golave të shënuar.
Në një intervistë në emisionin “Ora Sport” në “RTV ORA”, mesfushori i skuadrës rrogozhinase ka treguar më tepër për mënyrën se si arritën të mposhtin një emër të tillë si Partizani.
Arbin Zejnullai: E kishim përgatitur shumë mirë ndeshjen. E kishim analizuar shumë mirë Partizanin. E kisha një ndjesi që do të dilnim mirë, por me atë rezultat të thellë nuk e kishim menduar. Realisht, trajneri na ndihmoi. I dinim pikat e forta. Arritëm ti neutralizojmë dhe të marrim një tre pikësh shumë të rëndësishëm. Jam ambientuar shumë mirë, pasi edhe grupi më ka pritur shumë mirë. Kam kaluar plot 6 vite te Shkëndija. Kam fituar edhe kampionat. Shpresoj ta transmetoj përvojën edhe te Egnatia.
“Çfarë na tha Duro për Partizanin? Nuk mund të hyj në analiza. E di që gjërat që na dha profesor Duro të gjithë çunat i bënë shumë mirë dhe besoj se ajo na dha fitoren. Me një fitore shkon shumë lart dhe me një humbje shkon shumë poshtë. Shpresoj që të vazhdojmë me këtë ritëm. Të mos ndalemi dhe të mos na kaplojë euforia.”
