LDG aktivitete sensibilizuese kundër kancerit të gjirit, Vokshi: “Check Up” përdoret për të vjedhur
Nga OraNews Përditësimi i fundit 30 Tetor 2022, 16:07
Përgjatë muajit tetor Lëvizja Demokratike e Grave të Shqipërisë (LDG ) ka organizuar aktivitete sensibilizuese për parandalimin e kancerit të gjirit.
Këtë javë fushata u përqendrua në disa qytete si Durrës, Vlorë, Elbasan, Korçë, Pogradec Librazhd e Tiranë.
Kryetarja e kësaj lëvizjeje Albana Viokshi e ka vlerësuar jetik sensibilizimin e çdo gruaje për këtë sëmundjen që po njeh rritje vitet e fundit.
Elbasani dhe Korça renditen të parat në shkallë vendi për numrin e grave të prekura nga kanceri i gjirit.
Vokshi akuzoi ministrinë se “Check Up” përdoret për të vjedhur dhe jo për analiza apo ekzaminime për gratë.
Sipas saj familjeve shqiptare i duhet të shpenzojnë 200 mijë lekë për kurim në kryeqytet teksa kriza ekonomike vijon të vështirësojë jetesën e tyre.
Lëvizja Demokratike e Grave mbetet e angazhuar për ta vijuar fushatën sensibilizuese edhe përtej simbolikës së këtij muaji duke e shtrirë në 365 ditët e vitit.
