Kastrioti shkatërron Bylisin dhe e parakalon, mallakastriotët në krizë (FOTO)
Nga OraNews Përditësimi i fundit 29 Tetor 2022, 16:00
Gabriel Morbeck shpërblen Kastriotin dhe trajnerin Emiljano Çela për durimin. Në javën e dhjetë të Superiores, braziliani shënon dy gola shumë të rëndësishëm që e nxjerrin nga një situatë e komplikuar ekipin krutan dhe zhysin në krizë rezultatesh Bylisin pa fitore në 4 të fundit.
Triumf i merituar për Kastriotin në Kamëz ku skuadra vendase dominoi mallakastriotët për 90 minuta duke arritur një sukses shumë të rëndësishëm në optikën mbijetesë pasi bardhekuqtë ngjiten në kuotën 13 me vetëm dy pikë nga vendi i dytë. FOTO:LSA
Ky është suksesi i tretë sezonal për krutanët që e nisën me ritëm të ulët dhe për momentin janë dy pikë diferencë nga Bylis që mbetet në kuotën 11 dhe rrezikon të futet në vallen e mbjetesës.
