Vasili: BE njoftoi dhënien e grantit 80 milionë euro, qeveria rrit çmimin e energjisë

Nga OraNews Përditësimi i fundit 28 Tetor 2022, 15:35

Çmimi i energjisë është kthyer në temë diskutimi is të familjeve shqiptare ashtu dhe të politikanëve.

Në një deklaratë për për mediat deputeti  i Partisë së Lirisë, Petrit Vasili tha se ndërkohë që qeveria rrit çmiomin e energjisë në bursë janë më të ulëta nga se kanë qenë më parë.

Petrit Vasili: Ndërkohë që çmimet e energjisë janë në rënie të vazhdueshme qeveria e Edi Ramës vendos rritjen e çmimit të energjisë për qytetarët.Qeveria dhe ERE mesa duket nuk e kanë marrë në konsideratë që çmimi energjisë në bursën HUPX nga data 22 Tetor deri në datë 29 Tetor është mesatarisht 144 Euro/ MWh.  Nëse fasha 800 këh nuk u vendos në Tetor me argumentin e rritjes së rezervës energjitke, pse duhej të vendosej në Nëntor-Dhjetor 2022,  kur çmimet në bursë janë më të ulëtat që kanë qenë para Tetorit të vitit 2021?

Sipas Vasilit kjo rritje po ndodh në nëj kohë ku vetë BE njoftoi dhënien e grantit prej 80 milionë euro për krizën energjetike.

Petrit Vasili: Të blesh energji në treg të lirë me çmim rreth 150-200 Euro/MWh dhe t’ja rishesësh qytetarëve të tu me 375 Euro/MWh, ndërkohë që BE dje njoftoi dhënien e grantit prej 80 milionë euro për krizën energjetike, është diskriminim dhe bëhet vetëm për arsye korruptive.

Deputeti i PL thotë se projektligjet e Partisë së Lirisë janë në Kuvend por për këta abuzues dhe vjedhjës në pushtet vetëm bllokojnë çdo iniciativë.

“Projektligjet e Partisë së Lirisë janë në Kuvend por për këta abuzues dhe vjedhjës në pushtet vetëm bllokojnë çdo iniciativë. Këta mendojnë vetëm se si të vendosin taksa të jashtëzakonshme mbi prodhuesit e energjisë. Pasi kanë shpërdoruar qindra milion euro gjoja investime që nuk kanë sjellë asnjë përmirësim perveçse kanë përfunduar në xhepat e qeverisë dhe klientëve të saj. Borxhi i ndërsjelltë ndërmjet kompanive publike në sektorin e energjisë arriti në fund të qershorit 2022 në 156 miliardë lekë ose 1,3 miliardë euro duke arritur një rekord historik. Dhe humbjet teknike vazhdojnë të jenë 20% pa u ulur aspak megjithatë qindra milionë euro investime.”, tha Vasili.