Emërimet në kushtetuese, KED jep aprovimin për Ardian Dvoranin dhe Gent Ibrahimin
Nga Keti Banushi Përditësimi i fundit 15 Tetor 2022, 11:52
Ardian Dvorani dhe Gent Ibrahimi do të jenë dy nga kandidatët që mund të zëvendësojnë në detyrë dy anëtarët e Gjykatës Kushtetuese Altin Binaj dhe Përparim Kalo të cilëve u ka përfunduar mandati. Këshilli i emërimeve në drejtësi I hapi rrugë kandidimit të tyre pas verifikimit të bilanceve financiare të të ardhurave dhe shpenzimeve për gjyqtarin dvorani dhe ish kreun e klp ibrahimi.
Këshilli i Lartë i Drejtësisë I ka hapur rrugë kandidimit për anëtar të Gjykatës Kushtetuese për gjyqtarin Ardian Dvorani dhe ish-kreun e këshillit të lartë të prokurorisë, Genti Ibrahimi.
Deri tani kandidimi për Ibrahimin është mbajtur pezull për shkak të një problemi me pasqyrimin financiar.
KED kërkoi ekspert për të ardhurat e shpenzimet dhe pas raportit të paraqitur është dhënë dakordësi për kandidaturën për vendin e mbetur vakant pas përfundimit të mandatit të Përparim Kalos.
Ndërkohë gjyqtari Dvorani kandidon për vendin vakant të Altin Binajt, të cilit i përfundoi mandati.
Aktualisht Ardian Dvorani është anëtar në Gjykatën e Apelit Administrativ, ndërkohë që më parë ka qenë edhe anëtar i Gjykatës së Lartë. Ai pak kohë më parë mori edhe çmimin si njeriu i vitit 2021 në luftën ndaj korrupsionit nga departamenti i shtetit për Shqipërinë.
Dvorani u vë në qendër të debatit politik në vendin me përplasjen që pati me Presidentin e Republikës, Ilir Meta.
Ky i fundit e kallëzoi gjyqtarin në prokurori për falsifikim ndërkohë që SPAK pushoi akuzën për mungesë provash.
Debati dhe përplasja Meta-Dvorani u bë për çështjen e listës së emërimeve për në Gjykatën Kushtetuese kur gjyqtari drejtonte Këshillin e Emërimeve në Drejtësi pranë gjykatës së lartë.
