Pushime të qeta, por jo të lira, në bregdetin e Vlorës ka ende pushues, çmimet ende të shtrenjta
Nga Edi Ruçi Përditësimi i fundit 11 Shtator 2022, 15:48
Në këtë fundjavë të dytë shtatori në bregdetin e Vlorës ka ende pushues.
Janë shqiptarë por ka edhe turistë të huaj.
Kanë zgjedhur të pushojnë në vjeshtë pasi në qytet e plazh gjejnë qetësi.
“Thjeshtë, por bukur. Është freskët dhe ka pak njerëz. Të marrim rreze.”
Ata që janë të moshuar thonë se në shtator temperaturat janë ideale për moshën e tyre.
“Temperatura është më e favorshme sidomos për moshën tonë.”
Megjithatë ankohen se çmimet mbeten të larta edhe pse sezoni turistik është drejt fundit.
“Të shtrenjtë janë një cikë, ka krizë ekonomike.”
Kërkojnë që vitin e ardhshëm institucionet vendore t`i kushtojnë më tepër vëmendje higjienës dhe rregullit në plazhe.
“Problemet kryesore janë kanalet në rërë, dhe mbeturinat.”
Sipas të dhënave të operatorëve turistikë 60% e dhomave rezultojnë të prenotuara përgjatë fundjavave deri në fund të muajt shtator.
Rezervimet më të shumta janë bërë nga shqiptarët e Kosovës por nuk mungojnë as shtetasit italianë apo nga vendet e Evropës Lindore.
