Aksident në rrugën e Arbrit në Xibër, nëna dhe fëmija përfundojnë në humnerë (Pamje)
Nga OraNews Përditësimi i fundit 11 Shtator 2022, 15:23
Një aksident është shënuar pak më parë në rrugën e Arbrit në fshatin Shkallë të Xibrit.
Një automjet tip veturë ka dalë nga rruga në vendin e quajtur "Ura e Spates".
Sipas dëshmitarëve në vendin e ngjarjes mjeti që po vinte nga Klosi është përplasur fillimisht me hekurat e urës e më pas ka përfunduar poshtë.
Mësohet se drejtuesja e mjetit ndodhej në të bashkë me një fëmijë.
Fatmirësisht ata kanë pësuar vetëm lëndime ndërsa janë dërguar në spital për të marrë ndihmë mjekësore.
Në vendin e ngjarjes ka mbërritur policia për të zbardhur shkaqet e vërteta të aksidentit që për pak nuk u kthye në tragjedi.
Në foto: Makina e aksidentuar në rrugën e Arbrit
Në foto: Makina e aksidentuar në rrugën e Arbrit
