Aksident në aksin rrugor Korçë-Pogradec, ndërron jetë biçiklisti 65 vjeç
Nga OraNews Përditësimi i fundit 9 Shtator 2022, 15:32
Një aksident me pasojë vdekje ka ndodhur ditën e sotme në aksin rrugor Korçë-Pogradec, pranë fshatit Libonik, Maliq.
“Rreth orës 14:55, shtetasi Albert Pura 30 vjeç duke drejtuar mjetin tip "Ford" ka përplasur biçiklistin Nazif Sulollari 65 vjeç, banues në fshatin Symiz, Maliq, i cili u dërgua në spitalin e Korçës, ku ka ndërruar jetë”, njofton policia.
Me drejtuesin e mjetit po kryen veprimet e mëtejshme procedurale.
Grupi hetimor po punon për të sqaruar rrethanat dhe përcaktuar shkaqet e aksidentit.
