Protesta te plehrat, njerëzit e Bashës as me Metën, as me Berishën
Nga OraNews Përditësimi i fundit 8 Shtator 2022, 17:13
"Të martën që vjen në oreën 18:00 te incineratori i Tiranës."
Jo të gjithë demokratët do ti bashkohen Ilir Metës në protestën e 13 shtatorit në landfillin e Sharrës.
Edhe pse çështja e incineratorëve është aktualisht e opozitës, ligjvënësit e PD-së, mbështetës të Lulzim Bashës, nuk shkojnë të protestojnë.
Ata i qëndrojnë linjës së oponencës parlamentare.
Basha: Ditë të mbarë të gjithëve.
Bardhi: Incineratorët janë produkli i krimit, nëse ka një skenë krimi është kryeministria.
Alibeaj: Ajo çfarë unë bëj është të jem deputet i shqiptarëve dhe ti bëj denoncimet këtu.
Çupi: Vetëm kur më thërret PD marr pjesë në protestë.
Grupi tjetër demokrat që mbështesin, Sali Berishën, nuk kanë dilema. Për ta pjesëmarrja në protestë është domosdoshmëri.
Noka: E tillë është situata në Shqipëri me këtë regjim. Çdo ditë, çdo moment, çdo shqiptar duhet të ndihet në protestë.
Zhupa: Personalisht është një kauzë që e kam mbrojtur, është një kauzë që kam bërë betejë. Jam në gjyqe dhe do jem në protestë.
Duma: Në çdo protestë duhet marrë pjesë.
Paloka: Jo vetëm në protestat e organizuara nga opozita, por në çdo protestë opozitare do jemi pjesë e saj.
Korreshi: Unë shkoj në çdo protestë.
Ka edhe të tjerë ligjvënës të PD-së që janë dyshues për aksionin opozitar të Partisë së Lirisë, apo dhe nga ata që thonë se kanë axhendë individuale të martën e 13 shtatorit.
Çollaku: Kur të qartësohet motivi i çdo proteste unë do të marr pjesë.
Baçi: Nëse kemi një punë akoma më të rëndësishme dhe nga protesta mund të bëjmë atë punën tjetër më të rëndësishme.
Ulliri: Çdo kauzë që ja vlen të mbrohet do të jem dhe unë në ballë të parë për ta mbrojtur.
Vetë Ilir Meta nuk kërkoi publikisht pjesëmarrjen e PD-së në këtë protestë, e për pasojë në bllokun opozitar nuk ka organizim.
Ndërsa Berisha ka thënë se është duke u punuar për krijimin e një fronti opozitar për zhvillimin e protestave, madje duke e cilësuar sesionin e ri parlamentar si një sezon protestash.
