Situatë alarmante në Durrës, bashkia asnjë ndërhyrje
Nga Mark Brunga Përditësimi i fundit 5 Shtator 2022, 14:29
Në qendër të një zone turistike sikurse është Arapaj në afërsi të bregdetit të Durrësit, kanali i tejndotur i ujerave është kthyer në një vatër infeksioni.
Në Fshatin Arapajve në Durrës në mes të shtëpive, ndodhet një kanal.
Mbeturinat, dhe mbetjet e tjera e kanë mbushur atë dhe zonën rreth tij.
Ndotja, është alarmante për banorët e zonës.
“Na shqetëson, se njerëz jemi. Dhe ne duam të jetojmë si të gjithë. A do të shkojmë në Europë.”
“Na shqetësojnë, çfarë të bëjmë.”
Banorët thonë se Bashkia e drejtuar nga Emirjana Sako s’ka marrë asnjë masë për të zgjidhur situatën, edhe pse ajo vazhdon prej vitesh në të njëjtën gjendje.
“Disa herë e kemi ngritur zërin por nuk e kanë rregulluar.”
“Fajin e ka bashkia pasi nuk i pastron.”
Durrësi është përfshirë shpesh-herë në kriza të njëpasnjëshme mbetjesh. Edhe pse ky qytet pret mijëra turistë, situata e pastrimit mbetet problematike.
