Policia sqaron plagosjen në Tiranë, 23-vjeçari u qëllua me armë zjarri nga fqinji pas konfliktit
Nga OraNews Përditësimi i fundit 23 Gusht 2022, 22:44
Policia ka sqaruar plagosjen me armë zjarri që ndodhi mbrëmjen e sotme (23 Gusht) në rrugën ‘Tasim Shehu” në Tiranë, ku një person u qëllua me armë zjarri.
Sipas bluve, rreth orës 21:50, në rrugën “Tasim Shehu”, si pasojë e një konflikti të çastit, shtetasi Albert Ostreni, 49 vjeç, dyshohet se ka plagosur me armë zjarri, fqinjin e tij, shtetasin Renaldo Mejdani, 23 vjeç.
23 vjeçari si pasojë është dëmtuar dhe ndodhet në spital, nën kujdesin e mjekëve. Dyshohet se i riu ka marrë plagë në qafë.
Grupi hetimor po punon për sqarimin e plotë të rrethanave të ngjarjes dhe për kapjen e autorit.
Njoftimi i policisëMë datë 23.08.2022, rreth orës 21:50, në rrugën “Tasim Shehu”, si pasojë e një konflikti të çastit, shtetasi A. O., 49 vjeç, dyshohet se ka plagosur me armë zjarri, fqinjin e tij, shtetasin R. M., 23 vjeç.
Shtetasi R. M., si pasojë është dëmtuar dhe ndodhet në spital, nën kujdesin e mjekëve.
Tiranë/ Plagosje me armë zjarri në rrugën “Tasim Shehu”
23 Gusht, 22:15
Grupi hetimor po punon për sqarimin e plotë të rrethanave të ngjarjes dhe për kapjen e autorit.
