Barcelona në luftë me kohën për të federuar mbrojtësin 60 milionësh
Nga OraNews Përditësimi i fundit 22 Gusht 2022, 18:10
Nuk ka vend për alarm pasi koha premton deri në datën 31 gusht por Barcelona duhet të lëvizë sa më shpejt për të zyrtarizuar mbrojtësin Jules Kounde.
Pasi u ble për rreth 60 milionë euro nga Sevilla duke djegur konkurrencën e Chelseat, francezi nuk është aktivizuar ende nga Xavi pasi nuk figuron në listë.
Kounde mbeti jashtë federimeve të fundit për shkak të mungesës së të ardhurave që mund të justifikojnë blerjen e tij por në klubin katalanas po punojnë për ta zgjidhur sa më shpejt këtë problem ashtu siç bënë edhe me blerjet e tjera pak ditë më parë.
Bashkë me Aubameyang, Depay, Umtiti, Dest dhe Braithëaite që mbeten në listën e largimeve, Kounde duhet të presë ende për të debutuar më fanellën e katalanasve.
