Casemiro mes lotësh me fjalë zemre për Realin: Trofeu më i madh, stërvitjet e përditshme në këtë klub

Nga OraNews Përditësimi i fundit 22 Gusht 2022, 13:29

Casemiro largohet nga Real Madrid me një rrëfim prekës ku mesfushori brazilian zbulon emocionet e kësaj lamtumire pas rreth një dekade në klubin që ëndërronte që fëmijë.

“Kur u largova nga Sao Paulo e kisha të qartë se do të luaja të Real Madrid. Këtu ndërtova jetën, karrierën dhe familjen time. Titulli më i madh që kam fituar është stërvitja çdo mënjgjes me këtë ekip. Nuk më pëlqen shumë të dal në plan të parë e të flas por këto fjalë më dalin nga zemra. Tani dua të shikoj nga e ardhmja pasi kam mundësi të ndihmoj në rritjen e një klubi tjetër si Manchester United. Jam i sigurt se një ditë do të rikthehem në Madrid t’ju jap sadopak nga dashuria që më keni dhënë mua”.

Momente emocionuese, braziliani nuk arriti t’i fshihte emocionet dhe lotët;

Mesfushori brazilian u bashkua me skuadrën e Eric Ten Hag ku do të luajë 4 sezonet e ardhshme duke u bërë një "rrufe në qiell të hapur" për tifozët madrilenë. Vetë klubi spanjoll arkëtoi 70 mln. Euro ndërsa lojtari do arkëtojë 80 milionë në 4 sezone. Te Real Madrid, mesfushori ka fituar 18 kupa mes të cilave 5 Champions League.