Miratohen pa debat ndryshimet në qeveri. Rama largon bashkëpunëtorin e tij Ahmetaj, zëvendësohet nga Balluku
Nga OraNews Përditësimi i fundit 28 Korrik 2022, 19:10
Kuvendi miratoi sot (28 korrik 2022) dekretet e Presidentit të Republikës, Bajram Begaj, për disa ndryshime në qeveri.
Në një sesion të jashtëzakonshëm, Kuvendi miratoi me 103 vota pro dhe 3 kundër Dekretin për shkarkimin e Zv/kryeministrit dhe Ministrit të Shtetit për Rindërtimin dhe Programin e Reformave, Arben Ahmetaj.
Kuvendi miratoi me 76 vota pro dhe 32 kundër Dekretin për emërimin e Ministres së Shtetit dhe Kryenegociatores, Majlinda Dhuka.
Gjithashtu Kuvendi miratoi me 76 vota pro dhe 32 kundër Dekretin për emërimin edhe në postin e Zëvendëskryeministres të ministres së Infrastrukturës dhe Energjisë, Belinda Balluku.
Seanca
Seanca e sotme e Kuvendit (28 korrik 2022) për votimin e tre dekreteve për ndryshimet në qeveri u përfshi në debate që në fillim të saj. Kjo për shkak se opozitës nuk iu ofrua e drejta për diskutim. Kundërshti bëri fillimisht kryetari i grupit parlamentar të PD-së Enkelejd Alibeaj duke e akuzuar maxhorancën se po i heqin së drejtën e fjalës dhe po e kthejnë parlamentin në pronë të tyre.
"Që qeveria është private këtë e thojnë të gjithë pot ë bëhet dhe parlamenti privat kjo është e patolerueshme"
Edhe kryetari i PD-së paralajmëroi Ramën se nuk do i shpëtojë dot gjykimit të shesheve të Shqipërisë. Lexo poshte
Por kryetari i grupit parlamentar të PS tha se ndryshimet e pjesshme miratohen pa debat. Megjithatë jashtë dyerve të Parlamentit Berisha e pati një koment.
Sali Berisha:"Edi Rama është shumëfishi i Arben Ahmetaj, e ka urdhëruar për prekjen e Fondit Rezervë të Këshillit të Ministrave i cili përdoret vetëm në raste fatkeqësish natyrore ose trauma të tjera të mëdha, përdorimin e tij për djegësat qoftë për Elbasanin, qoftë për Fierin. Arben Ahmetaj është strumbullar i kësaj çështje, por bajloz të zinj janë Edi Rama, Ëngjëll Agaçi dhe Erion Veliaj i cili ka firmosur për 91 milionë euro duke falsifikuar dokumentin e firmosur prej tij dhe duke e paraqitur atë si dokument të të gjitha bashkive të qarkut të Tiranës"
Pas votimit Belinda Balluku e votuar si zv/kryeministre dhe Majlinda Dhuka në postin e kryenegociatores u betuan në Presidencë.
