Zjarret shkrumbojnë kodrat me ullinj
Nga OraNews Përditësimi i fundit 28 Korrik 2022, 15:30
Në Mirditë, Kurbin, Prrenjas, Lushnje, Fier dhe Vlorë zjarret shkrumbuan sipërfaqe të mëdha, duke rrezikuar në disa raste edhe banesat. Në të gjitha rastet dyshohet se zjarrëvënia ka qënë e qëllimshme por ende asnjë piroman nuk ka përfunduar në prangat e policisë.
Një zjarr i përmasave të mëdha përfshiu zonën e quajtur Qafa e Lalarit në Fier pasditen e të enjtes.
Të ndihmuara edhe nga era flakët u përhapën në kodrat me ullinj.
Për pasojë me dhjetra rrënjë u shkrumbuan e dëmtuan.
Zjarri rrezikoi edhe banesat aty pranë.
Në vendngjarje mbërritën focrat zjarrfikëse të Patosit dhe Albpetrolit, por terreni i thyer vështirësoi punën për vendosjen e flakëve nën kontroll.
Thuajse të pamundur e patën ndërhyrjen forcat zjarrfikese në kodrat me ullishte mes fshatrave Karbunarë dhe Balaj.
Zjarri nisi rreth mesditës dhe shkrumboi sipërfaqe të mëdha.
I rrezikshëm ishte edhe zjarri që ra në fshatin Peshkëpi të Vlorës.
Flakët u përhapën deri pranë shtëpive të fshatit.
Në të gjitha rastet dyshohet se zjarrvënia ka qenë e qëllimshme por ende asnjë piroman nuk ka përfunduar në prangat e policisë.
Ministria e Mbrojtjes njoftoi se te enjten ishin aktive edhe vatrat në Fshatin Ndërshen, bashkia Mirditë, Fshatin Vinjollë, bashkia Kurbin dhe Fshatin Qukës Skënderbej, bashkia Prrenjas.
