Zjarr pranë shkollës së muzikës në Fier, tregu i rrobave të përdorura përfshihet nga flakët
Nga OraNews Përditësimi i fundit 19 Qershor 2022, 15:17
Një zjarr ka përfshirë tregun e rrobave të përdorura pranë shkollës së muzikës në Fier.
Mësohet se zjarri ka rënë rreth orës 14:35 të ditës së sotme, në fillim në pjesën e çatisë së tregut e më pas tymi është përhapur në brendësi të tij.
Frika dhe paniku ka mbërthyer banorë të zonës të cilët kanë njoftuar zjarrëfikësen e Fierit.
Forct zjarrëfikëse kanë mbërritur menjëherë në vendin e ngjarjes.
Ata kanë hapur me forcë derën e tregut pasi ka qenë e mbyllur.
Në brendësi të tregut nuk janë konstatuar dëme, ndërkohë që ndërhyrja në kohë e zjarrfikësve ka shmangur djegien e të gjithë hapsirës.
Tregu ndodhet në mes të pallateve dhe një zonë të banuar.
Në vendin e ngjarjes kanë mbërritur edhe ambulanca dhe forcat policore, ndërsa po punohet për të gjetur shkaqet e rënies së zjarrit.
