Turizëm kaotik e pa punëtorë, ndarja e hapësirave të plazheve, bizneset në Vlorë: Kaos!
Nga Edi Ruçi Përditësimi i fundit 12 Qershor 2022, 14:36
Industria e hoteleri-turizmit edhe pse më fitimprurësja për ekonominë e vendit vijon të përballet me problematika. Në Vlorë edhe këtë vit ka një mungesë të theksuar të punonjësve profesionistë, ndërsa ndarja e hapësirave të plazheve është një tjetër problematikë atje.
Edhe këtë sezon bizneset në Vlorë do të përballen me mungesën e punonjësve vendas!
Kuzhinierët, kamerierët dhe sanitaret, janë pozicionet që kanë mangësi në punonjës .
Në këto kushte, disa kanë marrë punonjës nga jashtë vendit.
Ndarja e parcelave të plazhit është një tjetër problem me të cilin po vijojnë të përballet sektori i hoteleri-turizmit.
Edhe pse e gjithë procedura duket se është rregulluar me aplikimet online, ndryshe shprehen bizneset.
Ndarja e plazheve ka shkaktuar jo në pak raste përplasje mes bizneseve ndërsa sezonin e kaluar 4 persona u vranë pas përplasjes së dy familjeve atje për këtë problematikë.
