Kavajë/ Tritol makinës së policit, Opeli shpërthen në flakë
Nga OraNews Përditësimi i fundit 7 Qershor 2022, 23:29
Një makinë e një punonjësi policie në Kavajë ka shpërthyer në flakë.
Burime për Ora News, bëjnë me dije se ngjarja ka ndodhur pranë tregut industrial, ndërsa makina ka qenë e parkuar brenda garazhdit, në momentin që ka marrë flakë.
Makina tip "Opel" në pronësi të shtetasit Lulëzim Muça,me detyrë, Inspektor tek Qarkullimi Rrugor, Kavajë ka shpërthyer rreth orës 22:50 minuta të 7 qershorit në parkingun e një pallati.
"Paraprakisht dyshohet se ka shpërthyer nga lëndë plasëse. Si pasojë ka vetëm dëme materiale' informoi policia në mbrëmje vonë.
E gjithë zona është mbuluar nga tymi, ndërsa policia dhe zjarrfikësit shkuan në vendngjarje.
Grupi hetimor vijon punën për zbardhjen e plotë të rrethanave të ngjarjes, identifikimin dhe kapjen e autorëve.
