Tiranë, shoferja humb kontrollin e makinës dhe del nga rruga, plagoset pasagjerja
Nga OraNews Përditësimi i fundit 31 Maj 2022, 15:40
Një aksident ka ndodhur ditën e sotme në rrugën “Kuvajt”, në Tiranë.
Policia njofton se një shofere ka humbur drejtimin e mjetit të saj dhe më pas ka dalë nga rruga.
Si pasojë është dëmtuar pasagjerja, shtetasja E. D., e cila ndodhet në spital, nën kujdesin e mjekëve jashtë rrezikut për jetën.
“Më datë 31.05.2022, në Rrugën Kuvajt, shtetasja L. S., duke drejtuar mjetin e saj, ka humbur kontrollin mbi drejtimin e mjetit dhe ka dalë nga rruga. Si pasojë është dëmtuar pasagjerja, shtetasja E. D., e cila ndodhet në spital, nën kujdesin e mjekëve, jashtë rrezikut për jetën.” – bën me dije policia.
Grupi hetimor ndodhet në vendngjarje dhe po punon për sqarimin e rrethanave të aksidentit.
