Largimet e drejtorëve të shkollave “mollë sherri" në Shkodër
Nga Bepin Kolvataj Përditësimi i fundit 30 Maj 2022, 18:13
Largimet e drejtorëve të shkollave janë kthyer në “në mollë sherri mes drejtorisë rajonale të arsimit dhe komunitetit të nxënësve e prindërve në Shkodër.
Pas shkollës “Ndoc Mazi”, protesta e radhës erdhi nga komuniteti prindër e nxënës i shkollës 9 vjeçare “Liria”.
Ato kundërshtojnë zëvëndësimin e drejtorit aktual Petrit Prroni me një drejtues që ka kryer shkollën e drejtorëve.
"Na e ka marrë gjithë komuniteti i romëve dhe egjiptian i ka mbledhur si zogj i ka këshilluar shkollën."
"Kemi pasur probleme, nuk kanë dëgjuar fëmijët të vijnë a diçka, ai ka qenë shumë i komunikueshëm."
Në krah kishin edhe përfaqësues të shoqatës “Të Drejtat e Komunitetit Egjiptian”.
"Është i vetmi drejtor që punon për komunitetin tonë."
Në Shkodër pritet që të zëvendësohen 14 drejtorë shkollash për tu zëvëndësuar me ata që kanë kryer të ashtuquajturën Shkollë e Drejtorëve.
Vendimi është marrë pak muaj më parë nga ministria e arsimit.
