Rama për takimin me Dendias: Bisedë e frytshme për çështje me interes që bashkojnë popujt tanë
Nga OraNews Përditësimi i fundit 23 Maj 2022, 16:38
Kryeministri Edi Rama priti sot në një takim ministrin e Jashtëm të Greqisë Nikos Dendias.
Teksa ka ndarë me ndjekësit e tij në facebook foto nga takimi, shefi i qeverisë shqiptare thotë se më kryediplomatin grek pati një bisedë të frytshme për çështje me interes që bashkojnë popujt tanë.
Më herët Dendias u takua me homologen shqiptare Olta Xhaçka. Në konferencën pë mediat ai njoftoi se Greqia do të abrogojë ligjin e luftës.
Një tjetër çështje që pritet të marrë zgjidhje mes palëve është edhe ajo e kufirit detar që do të përcaktohet nga Gjykata e Hagës.
Ministrja Xhaçka kërkoi që në të njëjtën mënyrë si kufirit detar të gjendet edhe gjuha e përbashkët për çështjen çame.
Por për homologun e saj grek kjo çështje jo vetëm që nuk ekziston, por rrezikon edhe integrimin evropian të Shqipërisë.
Pensionet ishin një tjetër temë e diskutuar në takimin e mes dy ministrave, i cili sipas Dendias së shpejti do të marrë zgjidhje përfundimtare.
