Presidenti, Boçi: Tentativa e Alibeajt për të legjitimuar procesin tallës të Ramës duke futur me zor në lojë grupin parlamentar s'mund të vazhdojë
Nga OraNews Përditësimi i fundit 9 Maj 2022, 16:45
Deputeti, Luçiano Boçi, deklaron se Presidenti nuk mund të jetë produkt farse.
Në një postim në facebook ai shkruan se tentativa e disatë e Alibeajt për të retushuar e legjitimuar procesin tallës të Ramës për zgjedhjen e Presidentit, duke futur në lojë me zor një pjesë të Grupit Parlamentar, nuk mund të vazhdojë.
Sipas tij, çdo rol që udhëzohet e zbatohet për interes të Ramës bie ndesh me interesat e demokratëve dhe të publikut.
Boçi thotë se oolitikisht proçesin e orienton Këshilli Kombëtar dhe grupin e negociatave e përcakton Komisioni i Rithemelimit.
"Asnjë i komanduar apo i emëruar tjetër e nga të tjerë nuk mund të dalë mbi ketë organ".
Boçi thekson se kriteret e redaktuara në zyrat e pushtetit e të paraqitura në mënyrë të gënjeshtërt si mendime të PD, nuk mund të shiten për standarte e parime e as për procedurë.
"Ato janë thjesht manipulime individësh që për interesa e axhenda personale duan të bëhen pjesë e farsës tallëse të Ramës, që ky i fundit të fusë në xhep lehtësisht kukullën e radhës".
